الحسين يخبر زينب بما تلقى بعده وش هالوعد لَقشر ينور عيوني=في كربلا نيّتكم اتضيعوني يحسين توعدني بفقد رجالي=و ابقى بعدكم ضايعه بلا والي من بعدكم منهو اليباري اطفالي=و منهو يرد القوم لا يلفوني نادى و دموعه بوجنته مهتونه=تعزي بعزاء الله يا محزونه لازم على حر الثّرى تشوفونا=و انا العدا يا زينب يذبحوني صاحت ينور العين ذاب افّادي=قشره علينه نزلتك هالوادي تضيعون يبن امّي بنات الهادي=و باطفالكم يا بو علي تبلشوني شلون ابتلي يا بو علي بهالعيله=و انتو بعد ويّاي بس هالليله كيف البُصر لو طوّحوا بالشّيله=ياهو يباريها ينور عيوني قلها و دمعه فوق خدّه هامي=لازم تشوفيني طريح و دامي بس الله الله بنسوتي و ايتامي=لو طوّح الحادي وانا عفتوني هيهات ما نرجع يبنت الهادي=فيها يذبحون اخوتي و اولادي وكل اخوتك تذبح بهذا الوادي=وملزوم انا بخيل العدا يدوسوني ظل ينتحب و مدامعه منثوره=بهالقاع يختي قبورنا محفوره و تبقى جثثنا بهالفضا معفوره=و لا يتركونك يختي تودعيني يا ما مصابٍ كايد تقاسينه=وكم واحد من اخوانك تفقدينه و يا ما شباب مقطّع تشوفينه=صاحت أجل يابو علي تضيعوني