دشّـــت مـهـجة الـمـختار         مــقــهــوره الـحـجـرتـهـا
اُو وقفت يَم ابو الحسنين         بالله اســتــمـع عـتـبـتـهـا

تـقـلّـه يَـبْـن ابــو طـالـب         نـمت نـومه و غفت عينك
عـن حقوقي يَداحي الباب         كـلـهـا اتــصـادرت ويـنـك
مــا تـنـهض يَـليث الـغاب         شـمـجـتّـفـهـن إيــديــنـك
الـيـوث الـغـاب مـا واحـد         كــفــو يــوصـل الـغـابـتها

خـلـف الـباب مـاني بـعيد         تـسـمع نـخـوتي و صـوتي
بــيّــه امــلـزّمـك ربّــــك         مـــن الـعـالـم الـلاهـوتي
مـن قـبل الـهضم يـا ليت         جـــان امـنـيـتي و مـوتـي
الـمـثلي مــا تـريد تـعيش         ســاعـه و هـــاي حـالـتها

يـقـلـهـا يَــبْـنَـة الــهــادي         ابــكـل صــوره تـعـذريني
و انـا ادري مـا يهون عليج         يـــــا زهـــــرا تـعـتـبـيني
يَزَهرا وهالجرى من القوم         واضــــح بــيـنـج وبــيـنـي
و لا تـقـبـلـين يـــا زهـــرا         الـوصـيّه انــدوس خـطّتها

تــرى سـيـفي أنــا الـبـتّار         و انــــا حــيــدر الــكــرّار
أنــا وحـدي افـتحت خـيبر         و خـلّـيت الـدمـوم انـهـار
لـكـن لــو أســل الـسّيف         شـفتي بـالاسلام اشْـصار
و انــتـي بــعـد مــعـذوره         الـمـصايب هــاي مـحـنتها

هــذا و الـحسن و حـسين         كــل هـالـحجي يـسمعونه
و كـل واحـد يـجر حـسره         و تــهـل مــدامـع عـيـونه
و هــي تـنشّف مـدامعهم         و جــابـتـهـم الـمـحـزونـه
تــقــلّـه ســـكّــت اولادك         بـجـاهـم مـهـجـتي فَـتْـهـا

أشــكــي ظـالـمـي لــلـه         يـبو الحسنين و الله اوياك
بـس امن الهضم و الضّيم         لـكـنّـه صــعـب فــرقـاك
و قـلبي يـذوب مـن فـرقا         بـنـاتي يــا عـلـي و ابـناك
عـسـى يـحفظكم الـباري         و حـيـاتي انـقضت مـدّتها