يـــا حـبـيب ابــن الـبـتوله لا تـخـلّي نـصـرته         ابْـكربلا ايـقولون ظـل محصور بَهله و اخوته

ابـكربلا يـقولون شـبل الـمرتضى حط الخيم         مـا لـه نـاصر يا حبيب و عنده اطفال و حرم
و جـان راح حـسين مـا يـرتفع لـلشّيعه علَم         تـرضى لـيّه بـالخدر و حـسين تـسبى نسوته

وقـفـت اتـنـخّي و تـخمش لـلخدود امـفرّعه         انـجان مـا تنهض ابهمّه و تطب ذيج المعْمَعَه
جـيـب لـعـمامه يَـبن عـمّي و خـذ هـالمقنعه         و ظل حبيب ايعاين الها و غصب هلّت دمعته

صـاح مـا يحتاج هالنّخوات بطلي امن الحنين         آنـا عـبد ابـن الـرّسول و عبد امير المؤمنين
ذاب قـلبي مـن سـمعت ابكربلا خيّم حسين         و اسـمـع ايـقـولون جـيمان الأعـادي حـاطته

مــا حـلى ذيـج الـشّمايل يـوم طـب الـكربلا         و طـلع عـبّاس الـبطل بَـولاد اخـوه يستقبله
مـرحـبا ايـقـلّه الـشّـهيد و زيـنـب اتـقلّه هـلا         وصــل مـستبشر لـبو سـكنه و تـناول رايـته

جـاه مـن زيـنب سلام و مدمعه بالحال سال         و اقبل ايسلّم على الحورا و على ذيج العيال
صـاح يـا وَسْـفَه يَـزينب تركبين عْلَى الجمال         حـيّـته بَـحـسن تـحـيّه و ســر قـلبها بْـنخوته

صـاح زيـنب يـالذي مـن قـبل جـنتي امـدلّله         اتـروح شـيعتكم طـبق فـوق الصّعيد امجدّله
أرواحـنـا تـطـلع و لا تـركـبين نـاقـه امـهزّله         فـدوه لـحسين الـشّفيّه اتـروح كـلها شـيعته