حـجّة الـباري عْـلَى السّطح ياخلق مطروح         بالشّمس مرمي والمسك من جسمه يفوح

سـمّـه الـطاغي و قـطّعت جـبده اسـمومه         و عْـلَـى الـيـريد اتـسـاعده ذيـج الـمشومه
نــازح الــدّار ابـعـيد عــن عـزوته و قـومه         وقـلبه مـن افـراق الأهـل والـسّم مـجروح

يـــا غــيـرة الله مـهـجة الـزّهـرا وحـشـاها         مــن غـير سـايه الـسّم تـجرّع مـن اعـداها
قـــوّض و بــنـت الـطّـاغـيه نــالـت مـنـاها         ومـحّد حـضرله ويـل قـلبي بـطلعة الـرّوح

فــوق الـسّـطح يـومـين والـثّالث بـلا مـهاد         مـطـروح ابــو الـهادي وطِـيبه غـمر بـغداد
ظـل بالشّمس وين العشيره اُو وين لمجاد         ويــن الــذي لَــرْض الـمدينه ابْـهمّته يـروح

يـوصل الـقبر الـمصطفى ويـسجب العبره         ويـنـعى الـجـواد ويـكت دمـعه فـوق قـبره
ويـنـتـحب ويــعـرّج عـلـى روضــة الـزّهـرا         ايـقـلها يَـزَهرا مـهجتج بـالشّمس مـطروح

الله يَــزهــرا جـــم جــنـازه مـــن بـنـيـنج         تـبـقـى بـــلا امـــوارى و شـفـتـيها ابـعـينج
و الـسـبب كـلّـه مْــن الـذي سـقّط جـنينج         وَرّث عـلـينا الـهـضم والـحـسرات والـنّـوح

فـــوق الـسّـطـح واحـــد ثـلـثـتيّام خــلّـوه         اُو واحـد عـلى حـماميل فوق الجسرجابوه
و امّـــا طـريـح الـغـاضريّه بـخـيل داســوه         وجـم ولـد يـم حـسين بارض الطف مذبوح

الله يَــزَهـرا اشـحـلّـت ابـقـلـبج مـصـايـب         اشْـسـوَّت فـجـايع هـالـدّهر بَـشبال غـالب
وامّــا الـمـصيبه الـلّي تـخلّي الـقلب ذايـب         سـبي الـحرم والـرّوس فوق ارماحها تلوح