جـعـفر لـسـان الله سـلالة بـيت لَـطهار         قاسى من اميّه ومن بني العبّاس لَمرار

كــابـد هـضـايمهم لـسـان الله الـنّـاطق         حــــلاّل مـشـكـلـها و بـيّـنـها الـحـقـايق
عـند الـعدو و الـمحب فـاز ابلقب صادق         حـيّز الـشّيعه وعَـز ذكـرها ابـكل لَمصار

جـانت خـفيّه و ضـايعه مـا بـين لَـحزاب         بـالـغير مـخـلوطه وعـليها الـذل جـلباب
و نـالت بجعفر صيت شيعة داحي الباب         و بـين الـملا صـارت عـلَم و ابـهامته نار

جـم ألـف كـاتب تـكتب عـلوم الـشّريعه         ابـمـدرسـة جـعـفَـرنا و لـلـعـالم تـذيـعه
كـل الـملل و اسـلام شيعه و غير شيعه         تـفـتخر بـسـمه و عـاين و تـعرف الآثـار

مـدرك مـن الـمنصور بـيده ويعمل عْليه         يـظـهر الـمـذهب و الـيـحبّه يـنـتمي لـيه
و الـمدرسه غـصّت من اعداه اُو مواليه         ابـطـب وشـريعه وفـلسفه نـوّر الافـكار

انـفتحت مـدينة عـلم بـيت العلم والجود         كــلّــيّــه ربّــانــيّـه أيّـــدهــا الــمـعـبـود
عُـرْبي وتُـرْكي وفـارسي وافْـرِنْج وهْنود         شــق الـتّشيّع بـسم جـعفر كـل لَـقطار

شـرّق وغرّب بالبسيطه اُو وَصل للصّين         بـجـهود جـعـفر نـاصـر الـقرآن و الـدّين
كـاشف ستار الذّل عن اوجوه لمسلمين         نـاشر عـلوم الـمصطفى ومذهب الكرّار

وبس عاين المنصور جعفر مقصد النّاس         والخاص والعام انضرع له وهبّط الرّاس
عـيشه تـكدّر والـقلب حـل بيه وسواس         هـذا وحـجي الـواشين شب ابْمُهجته نار

بـكثر الـفضايل والـشّرف تـكثر الـحسّاد         و جـعـفر الـصّادق بـالمعالي دوم يـزداد
و أهـل الـبغي وصـلت وشـايتهم البغداد         و الـفاجر الـمنصور غـيظه ابْـمُهجته ثـار