إبن العقيلية اوليد العقيليّه يقلها اليوم زينه=و ملبوسي المذخور للأعياد وينه اشعندك تقلّه يالولد تنده من ابعيد=ياهو اليقلّك هالوكت يَبني وكت عيد قلها خوارج ثايره و النّصر ليزيد=للشّام جابوا روسهم ويّا الظّعينه قالت يَبويه درجع و عاين شكلهم=واخْذْ الخبر يانور عيني من طفلهم وعن دينهم يَبني و مدينتهم اسألهم=واعرف يَعقلي اسم الزّعيم الذابحينه رد اُو وقَف بالجادّه ولاحت له الرّوس=فوق لَرماح اتلوح تخجل نور لشموس و الحرم مسلوبه و عليل ابقيد محبوس=و اللي يسمعه ايذوب قلبه من ونينه وعاين يسيره اتلوذ بيها كل يتيمه=و قال اظن هذي للظّعن كلّه زعيمه قلها يحرمه امصيبتج كلفه وعظيمه=شنهي ديانتكم اُو وطنكم يا مدينه قالت اسلام احنا وارض طيبه وطنّا=وكلمَن تريده مْن المدينه اسألني عنّه قلها يمسبيّه المدينه بلاد أهلنا=بالله ارد انشدج جان خالي تعرفينه اتعرفين ابو السجّاد و اتعرفين عبّاس=اتعرفين لَكبر و النّشامه الترفع الرّاس اتعرفين ابو الشّيمه محمَّد وافي الباس=اتعرفين زينب بضعة الزّهرا المصونه شسْمك تقلّه ياعزيزي و امّك امنين=قلها أنا امّي هاشميّه واسمي حسين وانا خوالي بيت ابو طالب الطّيبين=بيت الإمامه الفخر كلّه حايزينه قالت انجان ابن العقيليّه جنابك=فوق لَرماح العاليه يَبني جوابك شيخ العشيره واخوته وجملة أحبابك=راحوا جتل بس هالعليل القايدينه يَالولد جدّام الظّعينه دير بالك=هاللي اذكرتهم روسهم كلهم قبالك و اللي اقبالي ناصبينه راس خالك=وهذي عيال حسين كلها هالظّعينه و انجان عن زينب تسايل والنّساوين=يَبني أنا زينب و هاي عيال لحسين رد ينحب ويلطم على الهامه بليدين=ينادي يَيُمّه بالعجل قومي اندهينا