قـومي يَـزينب لـليسر شـدّي العصايب         و اتولّمي القطع الفيافي اعْلَى الرّكايب

راحــوا الـذي دونـج يـسلّون الـمواضي         و غـابت ابـدور الـجان بيها الخدر ياضي
والله لزيدج ضيم و امري اعليج ماضي         لازم أعــذّب حـالـج ابـقطع الـسّباسب

نـاموا الـذي يـمنعون عـنّج فـوق لـوهاد         نـرحل الـيوم و بـاجر انـواجه ابـن زيـاد
لاتـرقبي يـعود الـدّهر شفتي الدّهر عاد         أخطى سهمكم والسّهم بحسين صايب

بـالعجل ودعـيهم وقومي الظّعن شايل         خـلّـي عـزيزج بـالثّرى وركـبي الـعوايل
روس اخـوتج ويّـاج بـاطراف الـعواسل         جـدّامـج الـكـوفه وبـشـري بـالـمصايب

صـاحت يـحادي ريّـضوا بـالظّعن ساعه         والله عـلى ركب الهزل مالي استطاعه
هالرّاس هلّي اعْلَى الرّمح يزهر شعاعه         ويّـــا الـجـسـد ردّه نــواريـه بـالـتّرايب

اتـمـهّل يـحـادي بـالسّرى لا تـزعجوني         يـم جسم اخويه حسين ساعه وقّفوني
بـلْـكي أغـسّـل جـثّـته ابـدمعة اعـيوني         وادمــوع سـكْنه و الـرّباب و هـالغرايب

تـمهّل يـحادي انـدهشت الـنّسوان كلها         هــذي تــدوّر سـتِـرها و هــذي طـفـلها
و هــذي تـجر ونّـه عـلى شـايل حـملها         و هـذي تـصيح انـشيل و الـعبّاس غايب

و خّــر الـممشى انـدوّر اطـفال الـنّبوّه         بـالـبر هـامـوا لـيش مـا عـندك امـروّه
وعـدنا عـليل اعْـلَى الـسّفر مـابيه قوّه         يـجـذب الـونّـه و ذوّبــت قـلبه الـنّوايب