رد الـمُـهُر زايــد صـهـيله امـن الـميادين         يَـعزيزة الـمظلوم قـومي اتْـلَقّي حسين

قـومي يَـسكنه الـمهُر مـحْرِب عايني له         جـان الـولي سـالم يـجي ايـشوفه عليله
و انـجان طـاح انـروح لـلحومه و نـشيله         ونـشديه عـن كهف الأرامل منجدل وين

وقـفت عـلى بـاب الـخبا والـحزن شفها         وشافت بخاصرته السرج واصْفقَت جفها
صـرخـت ونــار الـوجـد تـنـشرها وتـلفها         تـنـادي يـعمّه بـالعجل جـمعي الـنّساوين

خـالـي مــن الـوالـي يـعمّه الـمهُر جـانا         مـتخضّب ابـدم الـولي و يـسحب اعـنانه
قــومـي نـشـوفـه ويــن مـتـعفّر حـمـانا         نـعدله عـلى الـقبله ونمد رجليه واليدين

مــدّت بـصـرها ولـزمـت بـجفها حـشاها         ولــن الـجـواد يـجول خـالي مـن حـماها
والـعـين مــن لـب الـقلب صـبّت دمـاها         صـاحت يمُهْرحسين فصّل لي الخبر زين

أرد انـشدك والـقلب طارت بيه الانفاس         خـالـي تـجيني ويـن راح الـيرفع الـرّاس
وطـيحة ولـينا ويـن مـن طـيحة الـعبّاس         بـلـكت أوصّـل واحـتظي بـتوديع الاثـنين

قـلـها الـبـطل عـبّـاس طـايـح بـالمسنّاة         و حـسين بـالحومه وعـليه الـخيل لـمّات
وعـباس ميّت واظن بعده حسين مامات         وانـجان مـا حـزوا الـعدى راسـه تلحقين

لَـرْجَـع واعـايـن حـالـته روحــي فـدا لـه         و غــار و رجـع يَـمْها يـقلها لـسان حـاله
حــزّوا كـريـمه و الـشّمر بـالرّمح شـاله         الله يـبـنت الـمـرتضى بـعـده اشـتـلاقين