فاطمة العليله تبعث رسولا للحسين يَمْرَخِّت المركوب خبّرني القصد وين=بلكت على دربك تمر باهلي الطّيبين أهلي طبق شالوا و خلّوني وحيده=و غلّق أبويه الدّور و الغايه بعيده العراق قصده و انقضت مدّه مديده=ولاشوف لافيني أثر منهم و لا عين قلها تركتي عبرتي بخدّي هموله=غيّاب اِلِج جنّك و مجفيّه و عليله ياهو أبوج أنتي و هَلِج من ياحموله=قالت هلي بيت النّبوّه ووالدي حسين مَمْنون قلها وبالعجل حضري كتابج=أوصل على عيني وعلى راسي احبابج أخبرهم ابحالج و ابلّغهم اعتابج=وارجع لج بمكتوب من نور المسلمين قالت أريد أوصيك جان وصلت ليهم=سايل عن أخواني و سلّم لي عليهم قلهم تراني على الوعد دوم أرتجيهم=آخر فرد واحد يجي هالكثر جافين يدرون حرمه وفارقوها كلّ الاحباب=أخبار عنهم ماتجي ولا يوصل كتاب وامّا المصيبه لو وقف وافد على الباب=ونَوَّخ ذلوله وصاح غيث الممْحَله وين لازم أقلّه لو نشد يمتى يرجعون=يبطون بالغيبه الهواشم لو يسرعون أرجع وعود الرّاس تالي بلكت يجون=لو طالت الغيبه يوافد شهر شهرين مرّت شهور ولا لفتني منهم اخبار=طالت الغيبه بحالهم مايندرى اشصار العراق معروفه بغدر و الدّهر غدّار=هذا الذي نغّص حياتي واسهر العين