اجتماع العسكر عليه في الطف   خيّم الجيش وباليتامى تحيّر حسين=وضجّت بنات المرتضى وسط الصّياوين طلعت من خيام النّسا زينب تنادي=يحسين  هالعسكر  ترى  ضيّق  الوادي وانجان هاللي خيّموا كلهم اعادي=و للحرب كلهم يا ضمدنا مستعدّين تبقى  منازلنا  خليّه  بالمدينه=وانجان رحتوا الكافي الله احنا انولينه الله  يعدّيك  البلا  ردّ  الظّعينه=لرض الوطن يا بو علي رد النّساوين قلها ودمع  العين فوق الخد فيّض=خلصت يزينب مدّتي والعمر قوّض راسي بخطّي يرتفع والصّدر ينرض=و بحالةٍ  قشرا  عقب  عيني  تصيرين واللي قبالك ياحزينه من الرّجاجيل=كلهم وعدهم من تصك الخيل بالخيل ساعه ولا يبقى بخيمكم غير العليل=و من  الصّبح  للشّام  بيتامي  تشيلين جسمك يذوب وينتحل من سفرة الشّام=و يشيب راسج يا حزينه بذيج الايّام كل ساع يختي تطيح وحده من هالايتام=تلوى عليها سياطهم وانتي تشوفين قالت  اجل  يحسين  للذلّه  جبتني=بَرْض  المدينه  جان  يَبْن  أمّي  اتركِتني يحسين  وين  الملتجا  لو  ضيّعتني=مقدر على ذلّه وهضم يا قرّة العين ويّاك جيت من المدينه وعفت الاوطان=خفت المذلّة و التجيت العزِّ الاخوان قلت الأخو يدفع صروف الدّهر لوخان=قال الدّهر سكتي عقب عزّج تذلّين والله يخويه لو غريبه ومشت ويّاك=محّد كفو يذلها وهي ياخوي بحماك وانا  تخلّيني  يخويه  بوليَة  عداك =بعدك يبو سكنه دقلّي الملتجا وين