عـاشور  هـلّ  وبالضّماير  شب  نيران         راح الـفرح عـنّا وغـشانا بظلمة أحزان

صـارت  مـآتم  فـي  السّماوت  العليه         و بنت النّبي اويا الحور نصبت له عزيّه
والـكـل  يـنـادي  يـاغـريب  الـغـاضريّه         وهــذا يـنـادي واشـهيدٍ مـات عـطشان

لبست الشّيعه ابكل وادي اثياب لسواد         عـافت الـمكسب والحزن بالقلب وقّاد
نـصبت  مـآتمها  عـلى  بـو زيـن لـعباد         تبذل على ابن المصطفى غالي الأثمان

و اتـشوفها  لـو طـبّت  الماتم  ابزفره         هـذا  يـهل  دمـعه  وهـذا  يـجر حسره
هـذا يـدق راسـه ويـلطم فـوق صـدره         والكل عليه امن الحزن واللطم عنوان

مـحّـد  تـولّـع  بـالـبكى  ابـكـل  الـبريّه         مـثـل  الـحزين  الـواله  ابـن  الـحنفيّه
هــل  الـهلال و هـلّت  ادمـوعه  جـريّه         بـس يـنتحب ويـصيح ياوحشة هلوطان

سـافر  أبـو الـسجّاد  يقطع  بيد  لبرور         قـاصد لـلعراق وتـركها مـوحشه الدّور
خايف على اخواني أنا مْن أيام عاشور         الله  يـعوده  الـهالمنازل  قـمر  عدنان