ظـلّـت بـنات الـمرتضى كـلهم يـنوحون         يـقولون  ابـونا  يـاحسن  مـتغيّر  اللون

اتـحرّك  يَويلي  المرتضى  وبطّل  ونينه         اتحسّر  على  اولاده  و صد  الهم  بعينه
قـلـهم  كـلامـي  يــا ولادي  تـسـمعونه         لازم حـسن وحسين من بعدي تطيعون

جـنّي بـشبلي الـحسن فوق التّرب نايم         بالسّم  جبده  مقطّعه وحوله  الهواشم 
والـكـل ذابــت مـهـجته والـدّمع سـاجم         والـحسن يـتقلّب واخوه حسين محزون

وامّـا  الـمصيبه  اللّي  اتزلزل  هالوطيّه         امصيبة عزيزي حسين برض الغاضريّه  
جـنّـي أشـوفه عْـلى الـثّرى نـايم رمـيّه         مـن  حـوله  الشبّان  بالغبره  يونّون    

و زيـنب انفجعت حين سمعت هالوصيّه         وصـاحت أجـل يـا بـوي من وصّيت بيّه 
بــانـت  يـحـيـدر  أوّل  الــذّلـه  عـلـيّـه         يـاليت  بـعدك  هـالحراير  لا يـضيعون  

اتـحسّر يـويلي صاحب النّفس العطوفه         وصـد  ونـده  زيـنب  وعبراته  ذروفه   
جـنّي أشـوفج حـايره ابـوسطة الـكوفه         ويّـا يـتامى عْلى الهزل كلهم ينوحون   

هـلّـت  دمـعها  ونـادته  والـقلب  ذايـب         بيّه  توصي  لو  اتبشّرني  ابمصايب     
بـعدك يـبويه يـساعد الله عْـلَى النّوايب         يـالـيت مَـتقَضّت ايّـامك يـا ضِـيا الـكون