مــــــن مـــركــز اشـــعــاع الـــثــوره         تــصــريــح ايـــلائـــم كـــــل فـــتــره
واضـــــــح مـــضــمــون الــتــصـريـح         كــلــمـن عـــــادى حــسـيـن ايــطـيـح


قـريـنه اشـكـد مـواقف كـتبت الأ قـلام         بــدءاً مــن امـيـه الـحـد عـصـر هــدام
يـامـا إعـله الـشعوب اتـفرعنت اصـنام         اوجــبـال اتـغـيـبت واتـعـملقت اقــزام
أول مــاتــبـاشـر تـــصــدر الاحـــكــام         مــمـنـوع ابــمـحـرم تــرتـفـع أعــــلام
لأن هـــذا الـشـهـر ايــامـه مـــو أيــام         شـعائرهن حـجر واعـروشهم مـن جـام
بـــــس ويـــــن الــيـتـلاحـك عـــمــره         اويـتـعـنـه ايــشــم عــطــر الـحـضـره
اويـــســمــع اصـــــــوات الــتـسـبـيـح         كــلــمـن عـــــاده حــســيـن ايــطـيـح


شـعار الـلي تـرفعه الـدوله مو مقياس         وشـعارات اشـكثر مـخدوعه بيها الناس
مـثـل مـاخـدعت الـعـالم بـني الـعباس         (ابـثار حـسين) تـدري يـهيج الإحـساس
اولـمّـن هـيـمنت عـالسلطنه الارجـاس         تـعدّت ْ عالضريح اوهدمته امن الساس
لـجن شارة ضريحه او الله فوك الراس         ذلـتـها الـمـغول اوكــل مـجدها انـداس
والـــمـــا راعــــــو حــــــق الــعــتـره         مـــاظـــل واحــــــد نـــنــدل كـــبــره
ظّـــــــــلام اوذرتـــــهــــا الـــــريــــح         كــلــمـن عـــــادى حــســيـن يــطـيـح


حـكومات الـعرب مـعر وفه كلها اذناب         اونـدري السلطوها اعله العروبه اجناب
يـتوجون الـملك بـس مـو مـلك كـصاب         الـف سـياف عـنده الـلي تـكص اركاب
او الف (مفتي الديار) اتكض عليه الباب         تـصغي الـكل اسـم مـنه الـملك يـرتاب
(احـسين او كـربلا) بـالطاري مـاتنجاب         والـيـنـصب عـــزاءه تـهـمـته الارهــاب
مـــايــرضــون اعـــــــداه انــــذكـــره         لــلــعــالــم مــفــهــومـه الـــفــكــره
مـــاتــحــتــاج الــــكــــل تـــوضـــيــح         كــلــمـن عـــــادى حــسـيـن ايــطـيـح


عـرفنه الـطف قضيه مو قصص واخبار         اوتـجـارب نـاضـجه بـيـها الـعقل مـعيار
لــلــرايـد يــأســس دولــــه مـاتـنـهـار         يـبـحث عــن ثـوابـت نـهج ابـو الاحـرار
ديـــن الــدولـه ذمـــه ابـركـبة الاخـيـار         اومــن حـقـه الـشخص يـامعتقد يـختار
اومن حق كل شخص بالدوله يملك دار         تــرى الـحـرمان مـنـجم يـصـنع الـثـوار
كـــــل حـــاكــم مــايـحـسـم امـــــره         ويـــفـــكــر بـــالـــنــاس الـــفـــقــره
حــقــهـا الـــنــاس بــوجـهـه اتــصـيـح         كــلــمـن عـــــادى حــسـيـن ايــطـيـح


كـبل جـان ابـلدنه اشـكد ظلم واجحاف         اوطـوامير الـسجن مـحجوزه للاشراف
تـغّـير كـل وضـعنه بـس بـعدنه انـخاف         جـديده التجربه او محتاجه ناس انظاف
مـحـتاجه الـرسـالي الـواضـح الـشفاف         ولـلـصارو ا ضـحـايا ايـعـا يـن ابـأنصاف
نخاف امن اليجي اويصعد على الاكتاف         او مـعروف الـوصولي ابـياوكت ينشاف
وكـــــت الـــحــج وايـــــام الــعــمـره         مــانــحــسـب راح اجـــــــم مـــــــره
واقــــــع هــــــذا اومــــــو تــجــريــح         كــلــمـن عـــــادى حــسـيـن ايــطـيـح