أعــــتــــب آنــــــــه أعــــتـــب         عــــالــــزمــــان أعــــــتــــــب
يـــــاكـــــمــــر تــــــــــــــدري         ســـــلـــــبــــوا خـــــــــــــدري


 يـالـرحت لـلـماي لـختك اتـجيبه         تـــدري يـاعـباس ظـلـت غـريـبه
عـنها راح حـسين هـاي الـمصيبه         مـن خـدرها الخيل صارت جريبه
مــــــــن يــــردهـــا اعـــــــداي         يــــالــــرحــــت لــــلــــمــــاي


يـاكـمـر بـجـفاك حـيـلي هـدمـته         لـلـخيم بـالـجود تـرجـعلي يـمـته
جم طفل عطشان يصرخ سمعته         خـويه يـمته اتـعود تـمسح دمعته
اســـــــمــــــع بــــالـــخـــيـــام         صــــــرخــــــات الأيــــــتـــــام


 صـخـت يـاعـباس انـتـه الـجبتنه         تـالي بـين اعـداك رحـت وعفتنه
مـن اجـتنه الـخيل كـونك شـفتنه         أ بــلا ولــي والـكـوم ولـيه ولـتنه
*يـــالـــكـــلـــت بــــحــــمـــاي         مـــــــــن غــــــــدر دنــــيــــاي


كـلي يـاعباس أصـبر آنـه شـلون         وأسـمع الـعدوان بـيكم يـشتمون
يـسـعر الــدلال وتـنـدي الـعـيون         والـحـمل مـطـروح يـمته تـردون
يـــــاكـــــمــــر نـــــــاديــــــت         امـــــــن الـــصــبــر مـــلــيــت


تــدري يـاعـباس حـركـوا خـيمنه         خـويه هـاللحظات كون انته يمنه
بـالـفلا امـن الـنار هـجّت حـرمنه         احــنـه نـتـرجـاك تـرجـع إتـلـمنه
لا فــــــــــــــكـــــــــــــر لاراي         لاوالــــــــــــــي ويــــــــــــــاي