يوم الاربعين ابحسره وألم ردينه=افراگك واليسر يحسين اگعد شوفنه اشبينه=خلّن بالگلب نارين اگعد شوفنه اشبينه *** ردّينه يخويه من اليسر والشام=اگعد شوف حال الحرم والأيتام تشچيلك هضمها اوقسوة الأيام=ولاإلها طبگ يبن امّي جفن اونام السهر سوط اويجرح عيون=ويدمن خويه هالجرحين و سوط العدو يجرح امتون=خلّن بالگلب نارين اگعد شوفنه اشبينه *** يخويه اگعد واسولفلك اهمومي اثگال=چل حيلي يخويه اولابعد تنشال ولخْتَه كل اخو يسألها عن الحال=وعن هضم الجرالي الذوّب الدلّلال ماعدها العده رحمه=ابدلاّلي صفن رمحين والغربه اشد زحمه=خلّن بالگلب نارين اگعد شوفنه اشبينه *** من گطعوا وريدك والعده هجمت=صاحوا بالخيم فرهود وانّهبت وبنار الضغينه اخيامنه احترگت=ومن الخوف اطفال اوحرم فرّت فرّت كلها من الخوف=حرگ نهب الصواوين صحره والفضه مكشوف=خلّن بالگلب نارين اگعد شوفنه اشبينه *** صحت ونْخَيت اخوتي العدو والينه=ونيران الحقد والضمه تچوينه ولاعباس ينهض ترد چفّينه=ومن جوده الگمر بچفوفه يروينه ولامنهم سمع صوتي=عينه اوگطْعَت الچفين كلها اموذره اخوتي=خلّن بالگلب نارين اگعد شوفنه اشبينه *** انهدم خدري يخويه اوطاح بنيانه=وصعبه وگفتي وبوسط ديوانه ينظرلي اويسبني ابن مرجانه=تمنيتك عدل وتگطّع السانه صعبه وگفت الديوان=وعملات الوكت والبين صرنه فرجه للعدوان=خلّن بالگلب نارين اگعد شوفنه اشبينه *** وبعدها إلشام اميّه ابهضم ودّونه=وفرجه للخلگ يبن امّي خلوّنه ابديوان الذبحكم غصب وگفونه=ولبونه المرتضه گاموا يسبّونه سب حيدر يبو اسكينه=الشماته اوسب ابو الحسنين اويتشفّه غده بينه=خلّن بالگلب نارين اگعد شوفنه اشبينه *** أشد واصعب هضيمه خويه شفناها=على اشفافك يزيد اسياطه لوّاها ورقيّه هناك يم راسك فگدناها=ابأرض الشام يبن امّي دفنّاها شافت راسك امدمّهوگعتها على الشفتين يبويه صاحت ابهضمه=خلّن بالگلب نارين اگعد شوفنه اشبينه الموشح: اربعينك صار خويه واعتنيت=غصب عنّك سافرت واليوم اجيت وعلى گبرك لملمت حيلي اوبچيت=والعدو حيلي يخويه هدذمه *** جيتك ابلهفة امفارگ يالحنين=گوم ليّه اوشوفني خويه يحسين وارد انشدك عن اخوتي صفوا وين=گوم دلّيني يبن حامي الحمه انهض ابهمتك يبن داحي الباب=گوم راويني خيمنه الگلب ذاب بس اشوف ارماد من ذيچ الأطناب=وهالتصيح اعتابها متألمه وارد انشدك وين عبدالله الرضيع=وسّده خويه اعله نحرك لايضيع هاي امّة جدّك وهذا الصنيع=جازت اتعابه ابسفك اطهر دمه