يــخــوتـي بــغـربـتـي لا لا تـخـلـونـي         شـيـصـبـر دلــيـلـي مـــن تـودعـونـي


شـيـصـبر دلـيـلـي يـخـوتـي بـهـالـليل         وكـبـالي الـمـعسكر والـزلـم والـخـيل
مــن كـثـر الـمصايب مـا بـقالي حـيل         يـهـلـي لـهـالـمصيبه انـــوب جـبـتوني

جـبـتـوني يـخـوتـي وزادت جــروحـي         لـلـطـف والـنـوايـب تــاكـل بــروحـي
احــس هـالـليل بـاجـر لـلحزن يـوحي         كـــل ضـنـكم وحـيـده هـنـا تـعـيفوني

كــل ضـنـكم اخـتـكم تـبـقى وحـدهـه         وتـعـيـفون كـلـشـي ومــحـد يــردهـه
كـلـولي عـلـى اهـلـها مـن يـساعدهه         ويـلـم الـشـمل لــو يـحـدي بـضعوني

مــن يـحـدي يـخـوتي بـاجـر بـضـعني         ومــن يـجـمع يـتامه مـن تـشت مـني
اضــن بـاجـر يـخـوتي الـعدو يـسلبني         ولا واحــد الـعـندي الـلي يـكف دونـي

ولا واحـــد اشــوفـن مـنـكـم كـبـالـي         وتـــدرون الـعـدو مــا يـرحـم بـحـالي
بـاجـر يـخـوتي مــن يـجـمع اطـفـالي         لـــو يـمـلك مـحـنه ويـمـسح عـيـوني

مــن يـمـسح دمـعتي الـتلتهب عـالخد         احـس بـاجر نـهاره مـن الـحزن اسود
يـهـلي ويــاي بـاجـر مــا يـضـل احــد         بـطـلوا مــن الــوداع الـبي تـخوفوني

بـطـلو مــن الـوداع وكـوم يـا عـباس         شـوف الـمن اجـتني لـكربله هـالناس
بلكت ذره عدهم من شرف واحساس         ويــرجــعـون كــلــهـم لا يــروعـونـي

ويـرجـعـون عـنـكـم يـخـوتي وانـسـر         تـــدرون لـبـعـدكم خــويـه مــا اكــدر
مـــن غـيـرك يـجـينه ولـلـضعن يـنـغر         لــو غـيـرك يـخـويه يـعـرف مـكـنوني