من وراك من وراك = جرحي ياليل الحزن ياذيني وانه ذاك وانه ذاك = وي علي السجاد ضلت عيني تحجي انواع العذاب =من بعد ذاك المصاب من وراك من وراك = جرحي ياليل الحزن ياذيني *** سافرت عين الحزن لطول مسافات=وطارت بجنح الدمع والهم والاهات مالكت غيرك جرح بحضانك تبات=لودمع ينزل ضوه بخد السماوات يرتل ايات الكتاب= من بعد ذاك المصاب وبهواك وبهواك = روحي ماتحمل بعد تدريني *** جيت اوشل روحي كلهه بابك انته=يل رفعت حسين راس وماخذلته بيا صبر مولاي من رحت ودفنته =وكل مصاب الطف ضعن للشام اخذته بيا صبرعينك تشوف= لوعة وغدر الطفوف وبسماك وبسماك = ياعلي السجاد تغفه سنيني *** يل بنيت الدين دوله من المناحر=من ضعن ويتام عاشت بالمناحر ياعلي السجاد احجي بيا مشاعر=من رحت للشام وحاجة مناصر للأسر من كربلاء = وي رئوس اهل الكساء وبرجاك وبرجاك = ابقى واهاتي التجي تناديني *** بالعباده الليل عندك يكضي لحضه=وبسجودك انت صرت لكلشي فرضه يانبضنه وياهو يكدر ينسه نبضه=وانت بيك الباري جان يضوي ارضه يل صرت انته الشفيع = لليطب ارض البقيع من سواك من سواك = سيدي بيوم الحشر يحميني *** وبقه صوتي يصيح آه من المواجع=يل مصابك بجه حته السمه السابع هذا صوتك بعده بيه وبه المسامع=والعيون التكتب اسمك بالمدامع بطيحتك ماضل سلام = لويجي بصبرك امام وبحماك وبحماك = وحدي للاحزان لتخليني