المستهل: يا سلوة حياتي وفرحة سنيني =من تمشي يجاسم من يواسيني الهوه انت الاشمه=وروحي وكلبي يمه من تمشي يجاسم من يواسيني *** يا جاسم ييمه شلون باجر =من تصبح الدنيه بلا مناحر اتلكه فرحتي بيا مشاعر=وادري بحنتك دمك الطاهر عني لو رحت المن تخليني=من تمشي يجاسم من يواسيني *** يا يمه الليالي اللي عشتها =شفت لوعات منها واحملتها حسبت كلشي بحياتي واحسبتها=يوليدي وعفت كلشي ابّختها وزفيت المنيه عليك تدريني=من تمشي يجاسم من يواسيني *** وهذي عمتك زينب خذتني =لصيوانك ييمه وكعّدتني وبفرحة زفافك واعدتني=رغم كل المصايب فرحتني لان شافت دمعتي صارت بعيني=من تمشي يجاسم من يواسيني *** وما بين المخيم فرحه يبني =واحس بالموت هالفرحه تذبني فرحة عرس يوليدي وتمني=وانه الخوف ضحكاتي سلبني وبكاس الصبر خوفي يرويني=من تمشي يجاسم من يواسيني *** يا ام التودع مثلي ابنها =بين الجيش ويودع حضنها واشوف الموت يكطر من لسنها=الوادم واعتنت لجلي اضنها تريد ك والسيوف البينها وبيني=من تمشي يجاسم من يواسيني *** عله هذا الحال مر ليلج يرمله=تعاتب روحها وطول تكله ادري هناك باجر ماهي سهله=وشلون بصباحك لو تجله ورجعت يل ولد صاحت دحاجيني=من تمشي يجايم من يواسيني *** رد جاسم يحاجيها ويكلها =احنه الدنيه يمه وبينه املها وعلينه ارتكز يمه حملها=واصل الناس تنقاس بعملها وانت العالصبر جنتي تعلميني=منت تمشي يجاسم من يواسيني *** باجر يمه عمي يبقه وحده =وكل هاي الجيوش تصير ضده شلون اسكت ييمه وطه جده=وكلّفني ابوي وكال اسنده مو انت الوفه جنت تغذيني=من تمشي يجاسم من يواسيني *** عمامي واهلي يمه من يفرحون=متعلمين كلشي وكلشي يدرون فرحة جنه مو دنيه البالعيون=هجي الباري شاء ولازم يكون كافي بصوت حزنج لا تعذبيني=من تمشي يجاسم من يواسيني