حسين خلاني حسين خلاني= عالي مثل النجم عالي ملك خلاني اصير = وين مايعجبني اطير حسين خلاني *** راح اطير وجنحي اسمه= وراح اسافر ويه ذاتي حتى افسر حبه شنهي = واكتشف سره بحياتي وكبل لاعرف وجودي = لكيته ساكن ويه ذاتي صوته لسا بعده باذني = يكلي سولف تضحياتي وصار عنواني = خادم لحضرة وجوده صار عنواني لهاذه تلكاني امير = وين مايعجبني اطير *** لبست حب حسين تاجي = بمملكه وقائدهه اسمه صرت خادم للمنابر = لان بدموعي ارسمه كمت اطير بحبه ورسم=اسمه كمره وساعه نجمه ساعه يم بابه بدعائي = اشكر الله عله هالنعمه اسمه بالساني = وين ما اوكف اذكره اسمه بالساني بحبه خلاني جبير = وين مايعجبني اطير *** صار حب حسين دمعه = والعرش ليلة العاشر كمت اسافر وي خيالي = لدولته وخلاني شاعر من شلت راية حسيني = تسجلت بالخدمه حاظر لهذا لو مرني محرم = تلكه دمعاتي مناحر حبه رواني = من صنع من دمه ثوره حبه رواني حبه سواني سفير = وين مايعجبني اطير *** بمملكه عالم الهي = دوله مختلفه انضمته دوله تحكمه المشاعر = عكس هالدنيه شفته تاج بيها لكل مواطن = شكد دول ماغيرتهه واقسمت تخلص حياتي = بيه تبقه فاجعتهه ويه وجداني = بكلبي من انه زغير ويه وجداني لهذا جديت المسير = وين مايعجبني اطير *** وعاهدت امي بلبنها = ابقه بالمنهج حسيني مااغير تضحياتي = وسمه اكتبه بوسط عيني ملك من حبه بوجودي = خلصت عمري وسنيني الضحه نحره لازم ابقه = اسمه رايات ويه ديني وهذا ايماني = خالد بضنوة الزهره هذا ايماني واسمي لعدائه خطير = وين مايعجبني اطير