حديث بكل كلب للحب لكيناه=احب الله من حب حسيناه *** كل حب صادق اواضح=ناجح ميه بالميه وعلى النيه العمل للناس=فطره تفيض حنيه ونتيجة هالعمل لازم=اساسه يكون عالنيه وعرفنه الحب واساس الحب=بالخدمه الحسينيه وكل غايه وهدف معروف معناه=احب الله من حب حسيناه *** حبيناك حب صادق=بعصر ذبحوا مشاعرنه وحبل للمشنقه الخدمه=صارت واحنه وقعنه ولكينه اجمل حياه بالموت=اذا دافعنه عن حبنه وجذب من كال مليناه=وابد للموت ميملنه وشعارك عالكلب بالدم كتبناه=احب الله من حب حسيناه *** ترافكنه ويه حبك نور=ممزوج بضوه الرحمه وعرفناها شكثر يحسين=جانت ثورتك حكمه درس منك عرفنه الموت=عالحق للبشر نعمه وامانه لموقفك هذا=لكل اجيالنا نعلمه مو بس بالعزه المنهج تبعناه=احب الله من حب حسيناه *** لازم كل ظمير يثور=اذا شاف الحكم باطل مو يبقى على الاحلام=يبني امجاد ويماطل ويه حسين شتفيد القاب=سماحه وحجه والفاضل كفانه لياوكت نومه=وتبعنه شكم عقل جاهل بس نعرف نعم ما نعرف اللا=احب الله من حب حسيناه *** شعوب الصنعت الثورات=تضن الواقع تجهله الفرق عدهم ذمير وصوت=واحد يذبح الغفله شجانه وعدنه فكر حسين=وكتاب الخالق نحمله الاراده التصنع الثورات=وتشن عالكفر حمله واحنه الدين والمنهج حملناه=احب الله من حب حسيناه *** الكفر اسس شعار يكول=كفر حبك على الشيعه وذبح بشفافنه البسمه=وطبق بينه تشريعه رافض من يحب حسين=كال ورادنه نطيعه عجيبه شلون عقليته=الراد المذهب نبيعه تبعنه النور ندري النور معناه=احب الله من حب حسيناه *** مراحل مرت علينه=وعلينه تمر بعد ادوار موجن امك الزهره=ولا ابوك الوصي الكرار وانت الطبقت بالطف=معاني لثورة الاحرار ولهذا السبب احنه=صرنه لثورتك انصار وعهد منه كتبناها الى الله=احب الله من حب حسيناه