يم وهب هالمجبل میتوصف جماله = وراسچ میتمكن احد يفعل افعاله هيهات ما يوجد مثيله ابهالبوادي = وحق المسيح الضيف ما هو ضيف عادي ایده غرزها في الخبا وروض الوادي = بالعشب والماي ازدهر بعد امتحاله الشن امتلا بالماي من جسه ابيمينه = جسمه يشع انوار ليتك تنظرينه وين الشمس والبدرمن غرة جبينه = يفوق البدر والشمس في جملة اشكاله قالت شعبتيني وتركتيني بلا راي = كلما وصفتي اتحسرت علفوت عيناي قالت وازيدك يم وهب ما هیه بس هاي = ابعيني نظرته ایدور له حتى انعاله وتمسحت بتراب نعله وطابت العين = صاحت عجب الله واكبر ضیفنا امنین وان صدق ظني ابهالعجائب ضيفنا احسين = لن وهب يصرخ معتجب حينا اشماله اشماله ييمه الحي يتساطع بالانوار = وبالطيب يتفاوح وفيه تسفح انهار ليكون هالحي غير حینا اشهای لسرار = حتی يیمه انتین متغیره الحاله ليكون منتي الوالده بالله اسمحي لي = وراسك تعذریني ترى متوه دليلي ليكون هالشارات یصدق طيف ليلي = قالت لفانا ضيف واعطانا رساله وصى يقلك يا وهب عجل بممشاك = واسرع ترى اللي تطلبه بالطف يتناك جنك تعرفه ويعرفك يشتاق ملقاك = بالعجل شلع خيمته وقوض ارحاله