من قضت بضعة الهادي قام حیدر بالعجل = شمر اردانه الشفيه وشالها للمغتسل وضعها على المغتسل والقلب منه في التهاب = وزادت احزانه يشيعه يوم جردها الثياب وجد ضلعين أبطنها أمكسره وعاين صواب = في صدرها والدمع منه على خدوده أنهمل يصيح باغسلك يازهرا ولضلوع أمكسره = ولطمة الطاغي ابخدك يا بتوله آمأثره وجرح مسمار النشب بالصدر آثاره تری = حالتك فطرت قلبي والجسد مني أنتحل یا بتوله سامحيني أعلى المصيبة اللي جرت = ما هو أقصور يزهرا لي الوصية قيدت عينك الطاغي لطمها ولضلوع أتكسرت = وأسقطوا اجنينك أبعصره وأنا قادوني بحبل من بعد ماتم غسلها جسمها لفه أبكفن = وشالها وحطها ابنعشها ام المصايب والمحن أوداعة الله أيصيح عني أمسافره یم الحسن = وصاح بولاده وبناته وأقبلوا يمه بعجل وصلوا لكن يشيعه الكل منهم مندهش = ومقدر أوصف حالهم من عاينوها بالنعش وأحد ایدق فوق صدره واحد الوجه أيخمش = اینادوا يمه اوداعة الله والدمع منهم يهل ومن بعدما ودعوا الزهرا أمر فحل الفحول = تحضر اصحاب المروة للصلاة على البتول بالعجل حضروا وشافوا النعش والمدمع همول = أوقفوا خلفه وتقدم للصلاة خير العمل صلی بیهم عالبتوله ودمعه ابخده يسيل = والجسد منه على أم الحسن يا شيعه نحيل ومن فرغ قلهم بندفنها السا ابظلمة الليل = بالعجل ينصار دين الله بندفنها ابعجل وأقبلوا بم الحسن والكل قلبه منكسر = وأحفروا المكسورة الأضلاع يا شيعه قبر ونزل الزهرا ابقبرها بو الحسن محني الظهر = وصاح زهرا أوداعة الله وزفوا أعليها الرمل أوجّه أبوجهه علي والچبد منه امفطره = القبر خیر الرسل وادموعه ابخده منثره يصيح جاتك بضعتك لضلوع منها امكسره = العين ملطومه جرح بالصدر مسقوطة الحمل