عــــدد الأبـيـات
17
عدد المشاهدات
1379
تاريخ الإضافة
14/09/2019
وقـــت الإضــافــة
2:10 مساءً
رمــه الـمـاي وهـتـف وبـمـهجته الـنيران شلون اشرب وسبط المصطفى عطشان
وصــاح الـمـجد بـسـمه يــا گمــر عـدنان يــــا وارث صــفـات الـمـرتـضى حــيـدر
يــــا بـــدر الـمـكـارم والـفـخـر والـــزود يـــا بــحـر الــوفـاء الــمـا تـحـدّه حــدود
مـــا روّيـــت چبـــدك والـعـذب مـوجـود تـواسي حـسين اخوك بهل عطش والحر
مــــا روّيـــت چبـــدك والــعـذب بــيـدك وتــدري الـعـطش فـتّت مـهجة عـضيدك
الـوفـه اويــاك انـولـد عـمـره بـمـواليدك ولــلإيــثـار انــــت الاصــــل والــمـصـدر
اذا عــــودك عــلــي وام الـبـنـين امـــك واذا حــجـر الــشـرف والـغـانـمه ضـمّـك
حگك يــجـري حـــب حـسـين وي دمــك وروحــه تـآلـفت وي روحــك امــن الـذر
وحگ ذات الـحـسين ومــن صـنـع ســره لــــون ربــــك يــمـدد لـلـحـشر عــمـره
ومــا يــروي دلـيـله امــن الـعذب گطـره تــظـل ويــاه ضـامـي لـسـاعة الـمـحشر
ان چان الــلـي يـضـحّي لـلـسبط بـدمـاه وعـلـى الـكـوثر رســول الـخـالق اتـلگاه
يــروّي چبـدتـه ويـطـفي لـهـيب احـشـاه وجـــزاءه بـــل شـهـاده الـجـنّه والـكـوثر
انـشـدك لـو گضـيت بـهل عـطش نـحبك وعـلـى الـكوثر يـريد الـمصطفى يـشربك
هــم تـشـرب ويـروه امـن الـعذب گلـبك وبـعـده حـسـين ضـامـي بـولـية الـعسكر
هــــم تــتــروّه مــــن الـكـوثـر بـشـربـه وبـعـده حـسـين ضـامـي ويـلـتهب گلـبـه
لـــو تـنـتـظر ســاعـه ويــنگضـي نـحـبـه وعـلـى الـمـيعاد يــم جـده الـنبي يـحضر
عقيل الكاظمي / بغداد