يالجمالك مثله ما شايف جمال = وين اصد ابعيني ألقى لك خيال إنتَ ميناء الأمان العنده كون = كل سفينه اتعيش في راحه ودلال تاه مركب عمري بامواج الحياة = والشراع ايصيح يالغايب تعال خذني بيدك من عواصف لنتظار = من حرام اللقيا للقيا الحلال من سديم الرؤية للحق والوضوح= يسطع الحق من تِشِع شمس الوِصال بهتت الدنيا ابغيابك وانتَ لون = زاهي من أجمل فراديس الكمال يا متى الظَّمآن مو عزِّ الجواب = منهو غيرك يروي احروف السؤال ؟ شاخت البسمهْ ابشفةْ حلمي القديم = وجهه شاحب، للصبر ما ظل مجال عود حتى اتروّي أحلامي اليباب = ماكو عند المهدي قالوا شي محال اعتقادي ابقدرتك راسخ متين = والعواصف تعجز اتهز الجبال يا صُبُح يتنفس إيمان ورشاد = الدياجي اشلون من شمسك تِنَال ؟! تدري بعد اغيابك السبب ضياع = احتشد في الدنيا جيش امن الضَّلال ؟ يصرخ اب ( اللهُ أكبر !! ) غير غير !! = مو مثل ما كان ينطقها بلال ! بيها ذبَّح بيها شتت لين صار = في فِهِم دين الله بعض الإختلال إنْتَ إِنْتَ المُرتجى بهذي الظروف = يالي بيك الباري كم عثره أقال لو خذلك الكون كلَّه لو جفاك = لو نثر في دربك الطاهر نِبَال نفرش إلجيتك مُهَج ترفض تعيش = ساعة وحده في هوان وفي خَبَال من أبو الأكبر تعلمنا الفداء = ما نفر لو حان ميعاد النزال ندري إنّ الموت طعمه اشقد لذيذ = في هواكم طعمه أحلى امن الزلال فدوه فدوه إلجيتك كل كف يمين = فدوه فدوه إلجيتك كل كف شمال فدوه فدوه إلجيتك كل ضي عيون = فدوه كل شي ايروح لجلك بس تعال