الـلـيلة زيـنب مـا يـمر يـمها الـمنام         تـنطي بـكتاب الـصبر أعظم دروس
هــذي آخــر ركـعـة تـقـضيها بـقيام         ومــن بـعد بـاچر تـصلّيها بـجلوس !

الـليلة بـت حيدر تِطوّل في القنوت         يـحچي بس مدمعها والعالم سُكوت
ودون الأخوان الإخت ب الهمّ تموت         وتـنـقـلب بـعـيـونها الـدنـيـا ظـــلام

زيـنب بـهالليلة تـحچي اويـه الـسِما         وتـعتب اعـلى الماي بلسان الظمى
تـصـيح ضـيّـعني الـدهـر يـا فـاطمة         وبـعـد ذبــح حـسين مـا يـنفع مـلام

بـالإمس چنـتون عـندي فـي الـخدُر         ومــو جـميع هـناك صـلينا الـفجر؟!
شـلـون عـفـتوني يـخوتي بـهالظهر         صــرت أكـلـمّكم ولا أسـمع كـلام !

چانـــت احـبـابـي بـخـيمها مـجـمّعة         والـيوم كـل واحـد ذبـحني بمصرعه
وواحـد اعلى الشطّ چفوفه مقطّعة         وواحــد ابــلا راس ذبـحـوه الـلائـام