يا شفيع الأمة في يوم الحشر = لليزورك انته تحضر بالقبر يا حسين انته نجاتي = وهذا من معتقداتي لليزورك انته تحضر بالقبر يا حسين آنا اللي عمري ما أعوفك=ما أخاف القبر لنّي بي أشوفك شوفتك حلم اللي زارك واليطوفك=وخنصرك ما شوفه حسره ع لى اچفوفك زيارتك يا بو على كل الأمل = بحفرتي يوم اليدفوني الأهل تمسح ابايدك رفاتي = و هذا من معتقداتي لليزورك انته تحضر بالقبر بعد موتي وآنا زرته شلون بيه=في ثلاثه امن المنازل يمر بيّه في الكتب يوم اتّطاير مِن إليه=و بالسراط شلون أعبر خذ بيديه ساعه الميزان أر يدك تلفي لي = لا أظل في حيرتي يا بو علي ابجيتك تختم حياتي = وهذا من معتقداتي لليزورك انته تحضر بالقبر بالقيامة الناس كلها في رجاكم=لا ولد لا مال ينفع بس هواكم ابساعه الشدة تجونه من إجاكم=ما تخيبون الخدمكم وانتخاكم يوم تندم نفسي عمّا ضيعت = وتذهل الأم بيه عمّا أرضعت انته تشفع لي ابمماتي = و هذا من معتقداتي لليزورك انته تحضر بالقبر من يجيني ابگبري فاتح ليّه باعه=اشلون صوته اشلون صبري عن سماعه يا حسين و آنا طامع في الشفاعة=يعني انطر موتي لجلك ساعه ساعه ايكون لو ما تنقذوني أحترگ = وين انطي الوجه وأي باب الأدگ صوتك ايآنس لي ذاتي = وهذا من معتقداتي لليزورك انته تحضر بالقبر