شعراء أهل البيت عليهم السلام - بلد

عــــدد الأبـيـات
38
عدد المشاهدات
1284
نــوع القصيدة
عامية
مــشــــاركـــة مـــن
تاريخ الإضافة
17/08/2019
وقـــت الإضــافــة
5:04 صباحًا

بلد صار بقيع وكربله=سكن بيه عظيم المنزله على گبة ضريحه= رايه رفت جريحه اشد ليل..بالظنون= والعنده حسبه يسولف بگلبه كلت ليش..على الكون=الله يخلي بكل ارض گبه شلت عين..والنجوم =تدلي شفتها التايه بدربه لاجل هاي.. المنارات =الله جعلها واجهت حبه النجوم دليل القافله = المنارات عيون من السمه على ارضه الفسيحه = راية رفت جريحه بلتراب.. احاسيس =بيها يحس البي طبع شجرة والگبور..حكايات =منقوشة قصتها بحجر يقره المزارات ..بخت كاع =وشكد بخيته التنزرع حضره بلد نال.. كرامات =سبع الدجيل وسمعته وكبره رجل عاش عزيز بهيبته =شمس مات شعاع بكبته على شمس الصبيحه =راية رفت جريحه ليكتبون.. يحيرون= ابن الامام الهادي شتوصفه جبل نور.. بالاخلاق =واخو الامام العسكري انعرفه الفجر مات.. اجه الليل =لمن تلگه بالمرض حتفه صبح باب.. كرامات= والي يكصده ينترس جفه ملايين تأدي زيارته =والمراد هدايا بعتبته على بابه المريحه =رايه رفت جريحه الاشجار.. والانهار= من سيد محمد خذت لمسه والگلوب.. والارواح =كلمة شموع تنحجي بهمسه اليزورون..يكولون = ياخذ كلبنه السيد نحسه سبع جان.. بالدجيل =من حقه ذن من حاسده يحرسه ليحسون عبيره وتربته= يعشقون طريق ازيارته من تكصده استميحه= راية رفت جريحه ليكصدون..يشوفون= رايه جريحه وتحجي وحدها والعيون.. سماوات =والگبه دمعه ونزلت بخدها يسمعون.. خجل صوت= من البقيع استحى وغرقتها الشلون.. كبر صار =وام الزجيه كبر ما عدها بخجل صاح يايمه من الرحه =منارات يدنكن مستحه دمعه نزلت صريحه =رايه رفت جريحه منو الكال.. مسافات =من سيد محمد لابو اليمه يقيسون.. بالامتار= وانا اقيس بمستوى النسمه مساحات.. وهم عين =بين الدجيل وكربلا شمه دلالات..اعلى ذكراه =نفس الزياره وموكب الخدمه مسيرات تطوف بحضرته= يهتفون لصاحب رايته ناصر الله وذبيحه= رايه رفت جريحه
Testing