شعراء أهل البيت عليهم السلام - نسيتك

عــــدد الأبـيـات
26
عدد المشاهدات
2845
نــوع القصيدة
عامية
مــشــــاركـــة مـــن
تاريخ الإضافة
16/08/2019
وقـــت الإضــافــة
12:31 صباحًا

نسيتك ثواني = خيالك إجاني إخذني لشاطي حبك = أريد أعطش وأكتبك  خيالك إجاني ذكرتك من نسيت وبين خيالك=أثاري انت العزيز الخالني إبالك حاولت استقر واسأل على احوالك=لكيت النهر قطرة بعين شلالك جمالك قصيدة = مينحز وريدة نهر آني اعلى دربك = أريد أعطش واكتبك خيالك إجاني أريد ارسم عينك حتى احاجيهه=شرط دم وترراب وعطش مابيهه على صدرك علامة وصافن اعليهه=أخاف اكتبهه والعباس يمحيهه علامة تركتها = كأن ما شفتها أثر رفسه أعلى كلبك = أريد أعطش واكتبك خيالك إجاني إجيتك والغزل بأشواكي يتعثر=لكيت الشاطي احمر والنهر احمر اشوفك تبتسم واني ارتبك اكثر=لأن صدري صحيح وصدرك مكسر منعني حيائي = أجيك بردائي يضل عاري اليسلبك = أريد أعطش واكتبك خيالك إجاني مليته اتراب خدي من شفت خدك=نعم كلك عطش بس ما ذبل وردك خفت مرتين يغتال النهر جبدك=جبت ماي الشريعة وخيمت عندك أحبك لأنك = نبض كلبي منك حلم شاعر وأطلبك = أريد اعطش واكتبك خيالك إجاني تخطيت المسافة البينك وبيني=وصلت لباب جرحك وانطفت عيني ضعت واتوسلت مولاي خليني=أشاهد خنصرك وانطيك جفيني كتبت الرواية = واريد النهاية إذاً خليني كربك = أريد اعطش واكتبك خيالك إجاني إذا ما ينذبح ابني على صدري=صعب ترسم احساسك قافية شعري واذا ماينكسر عالمشرعة ظهري=أسولف عالأخوة وآني ما أدري متى ما خيامي = يسعرن أمامي أحس شنهو اليعذبك = أريد أعطش واكتبك خيالك إجاني
Testing