يقارورة دمه الغالي=على احبابي انشغل بالي أراقب وآني حذره=الرسايل كلها خطرة اول مراسيل الحزن= نسمة هوه جايبته الي مخنوگ اجه بصدري النفس=شميته بي ريحة هلي من والدي جايب عطر= مو ذاك عطره الأولي بي ريحة الفاگد ولد= يمكن مشه الأكبر علي يقارورة واخاف آني =تجرحيني بخبر ثاني وأموتن قطرة قطرة=الرسايل كلها خطرة ثاني رسالة من السفر= مكتوبة الي بگطرة دمه كالتلي عطشان الورد= مات النده ويشرب ضمه عبدالله مو ذاك الطفل= چن والدچ شايل سمه اترف قرابين العشگ = راد الحبيبه يقدمه رسمتيلي يقارورة =مهد خالي بحضن صورة وأثر دم أعله صدره=الرسايل كلهه خطرة ثالث مكاتيب البعد =هذا اصعب واكثر خطر يحچيلي سالوفة سمه =مثلومة ويطيح الكمر من يحظن بروحة الجرف= يشبه نهر حاظن نهر مو ظهر ابوية المنحني =ظهر الزمن كله انكسر لگاه كاتب على جروحه =غلاة اخته مثل روحه طلب زينب تعذره=الرسايل كلهه خطره أما الرسالة الرابعة =لونچ يقارورة اختلف لون الدمه تحول إلى =حنة عريس بلاية چف والدته ينزف رادته =زفوه على جروحه ونزف صورة بدر ينزف ضوه= صورتي لحساسي ورجف انا وروحي وخناجرهه =مثل رملة ومشاعرهه الحجر بالنوح افطره=الرسايل كلهه خطرة لحظة او وصل من الهجر =أصعب مراسيل الألم شكلچ يقارورة اختلف =صار أسود وگلبي انصدم مستغربه وفكري انذهل =حزنچ على ارموشي انرسم ليل الله بحظانچ نزل =لو هذا دخان الخيم جمر غربة وحرك خيمة =وانه بعيني الدمع غيمة مطر وخدودي صحره=الرسايل كلهه خطرة واخر رسالة من النحر= گلبت موازين الزمن قارورة الدم امتلت =وتبدت وفاض الوطن صدرك عليه حافر فرس= والخد بالرمال اندفن وصفولي بجروحك شمس= وجروحك مايتوصفن على جروحك گمر غافي= وانا بروحي النجم طافي طفه العالم بأسره=الرسايل كلهه خطره