عــــدد الأبـيـات
44
عدد المشاهدات
3596
تاريخ الإضافة
16/08/2019
وقـــت الإضــافــة
10:29 مساءً
حــتـى لـو..تـرجـعلي ثـانـي راح اگول..طـيـفـك اجــانـي
ايـــســت تــرجــع يــغـالـي حــتــى لــــو گالــــو رجـــع
نــظــرتـك نــظــرة نــهـايـة ووجــهـك بــصـدري انـطـبع
يـمـه مــن غـابـت شـمـسنه بـــالافــق نــحــرگ طــلــع
انـت لـو بـاقي عـلى مـهرك لـــيــش انــــا گلــبــي وگع
يـمـه خــاف..ع الـغبره واگع يـمـه خـاف..ظـامي وتـنازع
والـيـموت.. مــو انــت انـي راح اگول.. طـيـفـك اجـانـي
مـن دريـت ظـهرك عـرفتك لــلــمــصـايـب مــســتــعـد
انــــي ام وگلــبــي يــعـلـم بــــالـــيـــرد ومـــالـــيـــرد
بــس گلــت عـبـاس عـنـده وبــنـي عـسـكـر مـــو فــرد
يـعـني كـل شـر مـا يـصيبك والگمـــــر عـــنــده زنـــــد
خـوفـي.. لا ذبـحوا عـضيدك خـوفـي.. لا گطـعـو وريـدك
لا تـمـوت.. مــوت الـخذاني راح اگول.. طـيـفـك اجـانـي
مــــن اطـــب دارك كــأنـي انـــظــر ارمـــــاد الــخــيـم
والــصـدا يـرعـبني واسـمـع ركــضــه وســيــاط وألــــم
مــرتـيـن جــفـوفـي تـــوگع لــــو جــبـت طـــار الـعـلـم
يـابـني شــو گلـبـي لچمـني يــمــكـن بگلـــبــك ســهــم
بـالـتـراب.. تـسـعـة اصـابـع بـالـتـراب..خـنصرها ضــايـع
صرت اشوف.. واني بمكاني راح اگول.. طـيـفـك اجـانـي
اكــتـبـت مــــرة بـطـريـقك ابـــنــي رد مــــن الــسـفـر
والـــهــوا هـــــب وگلــبـهـا لانـــهــا مــكــتـوب نـــحــر
واكـتـبـيـت كــلـمـة كـفـالـه وانــــقـــرت چف ونــــهـــر
واكـتـبـيـت زيــنــب امــيـرة واشــعـر بـوجـهـي انـسـطر
گلـبـي حـاس.. زيـنب سـبيه گلبي حاس.. رحت من ايديه
يـلـلـي مـــا.. ردك حـنـانـي راح اگول.. طـيـفـك اجـانـي
لــو صــدگ تـرجـعلي يـابني حـــتــى افــــرح وابــتـسـم
لا تــظــن ارفــــح بـخـوتـك هـــوه بـــس انـــت الـمـهم
مــاتـرد يـحـسـين اعــرفـك لا حــقــيــقـة او لا حـــلـــم
يــولــدي وهــوايــا صــعـبـة يــصــفـه بــيـتـي ابــلازلــم
هــا يـاموت.. شـو مـاتجيني هــا يـامـوت.. راحـوا بـنيني
ابـنـي ويــن.. يـلـهج لـساني راح اگول..طـيـفـك اجــانـي
اعـــرفــت مـــيــت يــيـمـه نــزلـت ايــدي مــن الـدعـه
والــمـهـم راضــــي عــلـيـه راضـــــي عـــــن الاربــعــه
والله مــن گالـولـي ظـهرك مــنــحــنـي عــالـمـشـرعـه
انـحـنـى ظــهـري او لـهـسه امـــشــي وانــــي راكــعــه
شـباقي بـيك.. مـن الحوافر شـباقي بـيك.. مو انت صاير
ليش اعيش.. مدري شجاني راح اگول.. طـيـفـك اجـانـي
انــي مــا مـكـسور صــدري لـــكــن اشــعــر بـالـكـسـر
چن عــشـر خـيـاله تـسـحك صــدري كــل يــوم الـظـهر
وعــرفــت هــــاي الـنـهـاية ومــلــتــقــانـه بـــالــقــبــر
والـشـمـر گالـولـي بـالـطف يــعــنـي زيــنــب بـالـيـسـر
يــا حـسـين.. فـدوه لـترابك يــا حـسـين.. سـلـبوا ثـيابك
مـــا أَگول.. بـعـدك عـمـاني راح اگول.. طـيـفـك اجـانـي