كل شي راح.. لحظة غيابك=واستراح.. قلبي بعذابك حتى لو..ترجعلي ثاني=راح اگول..طيفك اجاني ايست ترجع يغالي =حتى لو گالو رجع نظرتك نظرة نهاية =ووجهك بصدري انطبع يمه من غابت شمسنه =بالافق نحرگ طلع انت لو باقي على مهرك =ليش انا گلبي وگع يمه خاف..ع الغبره واگع=يمه خاف..ظامي وتنازع واليموت.. مو انت اني=راح اگول.. طيفك اجاني من دريت ظهرك عرفتك= للمصايب مستعد اني ام وگلبي يعلم =باليرد وماليرد بس گلت عباس عنده=وبني عسكر مو فرد يعني كل شر ما يصيبك=والگمر عنده زند خوفي.. لا ذبحوا عضيدك=خوفي.. لا گطعو وريدك لا تموت.. موت الخذاني=راح اگول.. طيفك اجاني من اطب دارك كأني=انظر ارماد الخيم والصدا يرعبني واسمع=ركضه وسياط وألم مرتين جفوفي توگع=لو جبت طار العلم يابني شو گلبي لچمني=يمكن بگلبك سهم بالتراب.. تسعة اصابع=بالتراب..خنصرها ضايع صرت اشوف.. واني بمكاني=راح اگول.. طيفك اجاني اكتبت مرة بطريقك=ابني رد من السفر والهوا هب وگلبها= لانها مكتوب نحر واكتبيت كلمة كفاله =وانقرت چف ونهر واكتبيت زينب اميرة =واشعر بوجهي انسطر گلبي حاس.. زينب سبيه=گلبي حاس.. رحت من ايديه يللي ما.. ردك حناني=راح اگول.. طيفك اجاني لو صدگ ترجعلي يابني=حتى افرح وابتسم لا تظن ارفح بخوتك=هوه بس انت المهم ماترد يحسين اعرفك =لا حقيقة او لا حلم يولدي وهوايا صعبة= يصفه بيتي ابلازلم ها ياموت.. شو ماتجيني=ها ياموت.. راحوا بنيني ابني وين.. يلهج لساني=راح اگول..طيفك اجاني اعرفت ميت ييمه = نزلت ايدي من الدعه والمهم راضي عليه=راضي عن الاربعه والله من گالولي ظهرك=منحني عالمشرعه انحنى ظهري او لهسه=امشي واني راكعه شباقي بيك.. من الحوافر=شباقي بيك.. مو انت صاير ليش اعيش.. مدري شجاني=راح اگول.. طيفك اجاني اني ما مكسور صدري=لكن اشعر بالكسر چن عشر خياله تسحك=صدري كل يوم الظهر وعرفت هاي النهاية= وملتقانه بالقبر والشمر گالولي بالطف =يعني زينب باليسر يا حسين.. فدوه لترابك=يا حسين.. سلبوا ثيابك ما أَگول.. بعدك عماني=راح اگول.. طيفك اجاني