الـظعن يوم الذي اعله السير ولّم         غـدت عـين الـعليله اتـسيل بالدم

غـدت عـين العليله اتسيل و اتهل         و ٱرگد حـيـلها مـن سـارت الـبل
أيـا حـادي الـنياگ أرجـوك دمـهل         صـاحـت و الگلــب بـالنار مـضرم

صـاحـت يــا هـلـي ونّــوا ظـعـينه         يـمـن بٱفـراگكـم ظـلمه الـمدينه
تـــره اويــاكـم دلـيـلي مـاخـذينه         والـمـاخوذ گلـبـه ٱشـلون سـلهم

أسـلهم چيـف يـهلي و عيني اتنام         و تـمر اطيوفكم و ٱحسب بالايام
عـليه افـراگكم يـصبح ألـف عـام         و عـلـيّـه نـايـبـات الـمـوت تـلـتم

عَــلَـيّ تـلـتـم يـخـوّانـي الـنـوايب         يـبـويه حـسـين يــا نـور الـغوالب
يـعـمّاتي و خـواتـي يــا الـحـبايب         تـعـوفوني و عَـلَـيّ لـيـلي ايـتعتّم

تـعوفوني و ٱذل يـحسين ترضون         يـبويه و تـنطفي عگبـك هـالعيون
جـفـولي يــا هـلـي قـبلٍ تـرحلون         أودّعـكـم ٱوداع الـمـوت لــو تـم

أودّعــكـم يـبـويـه حـسـين تـانـي         يـريته الـموت مـن گبـلك خـذاني
عگبـكـم بـالـلظه و بـالـهم تـراني         أظـل واشـلون ٱظل للنوح مغنم

أظــل اشـلـون وحـدي يـا شـفيه         و ٱعـاين دوركـم وحـشه و خـليّه
گبــل هـالساع ٱجـت لـيّه الـمنيه         يـريـت و لا جـرعـت الآه و الـهـم

يـويلي مـن سـمعها حسين ٱجاها         حـضنها و حـيل ظـل يـنحب وياها
و ٱجت كل الحرم و اشبول طاها         و عـلـت يــم الـعليله عـبرة الـهم

بچت و اتـصيح يـالسايگ لـلظعون         عـلَيّ ٱهـلي الـمشوا لا ما يردّون
أودّع مــــا أودّع كـــون يــرحـون         و يـظل ٱخـلافهم ركـني ٱمـهدّم