قصيدة لطم للسجاد ع ( ميمر) عين عالگطعوا وتينه = عين شبحت عالضعينه شاف اجساد ومناحر = اشبگه بگلب ابو الباقر چفه يومي اعله المدينه= عين شبحت عالضعينه شتْحَمّلت ياابو الباقر محن= وآلامها بمهجتك طول الزمن وكل المصايب فوك صدرك رسن= ماطبگن جفونك وضاگن وسن ابيا حزن گضّيت عمرك = والصبر ينتخي بصبرك انصبّت عليك المصايب = وچبدك المالوم ذايب ابحرگته ولوعة ونينه = عين شبحت عالضعينه شافت عيونه كل مآسي الدهر= وبچفّه لوّح بالمنايه القدر وشاف المعاره وشاف ابشع صور= چم چبد عينه شافت وچم نحر ذوّبت گلبه الهضيمه = وصار للظالم غنيمه اشلون اهل بيت الرساله = صفت بچفوف الضلاله صاح يابويه انولينه = عين شبحت عالضعينه يعصر ابدلاّل ابو الباقر ألم = من راح مارد عمّه صوب الخيم يسمع تون ومن ضماها الحرم = واعله النهر بس جود ظل اوعلم عالكفل تصرخ العيله = اعله النهر من يعتنيله يريد ليها يرد سالم = تصيح ياعمنه الفواطم خل يرد عباس لينه = عين شبحت عالضعينه نار وتشب بالخِيَم عالعايله= الجانت ابعز حسين متدلّله تاليها متشرِّده بهذا الفله= ولاشهم دافع عنها من هالمله اتفَجّر بدلاّله صبره = من نظر زينب الكبره والّلهب بالخيم داير = وزينب اتلم الحراير والوگع محّد يعينه = عين شبحت عالضعينه بعيونه شاف الخيم متوجّره= وشاف الحرم واطفال متطشّره منظر رهيب اوبشع هذا الجره= وراعي الحميّه اشلون شيصبّره نهض يتوچه اعله صبره = وأكْلَت الحسرات صدره فوگ علته وكُبر همّه = ولابقه من الأهل يمّه وين ابوه وعمّه وينه = عين شبحت عالضعينه سبي الفواطم أدْمَه منّه الدمع= ويّاها راس حسينها المنگطع الچانت ابعز وصارت ابهالوضع= بقيد وهضم بسياطهم تندفع شافت الضيم ابسفرها = من الهضم هلّت نظرها عمت من عدها النواظر = وبس عليل اوياها حاضر فوگ علته امقيّدينه = عين شبحت عالضعينه اعله النهج ضل يجاهد ومستمر= ماخلّه حكم اهل البغي يستقر خاف اعله ملكه الطاغي وشْينتظر= لازم يِدَبّر لبوالباقر غدر ينتصر بحساب ظنّه = اشيرتجي ابهالفعل منّه الينتصر بالتالي منهو = العابث اللي جان يلهو لو اليضحّي لجل دينه = عين شبحت عالضعينه