يـاسـراج الـديـن يــا فُـلـك الـنـجاة         الـحـياة انـتـه وكــل مـعـنى الـحياة



إنـتـه عـلّمت الـبشر اعـظم دروس         لـلمبادي اتْـضَحّي وبـأغلى الـنفوس
مـاتـداهن وغــد لــو بـيـها يـسـوس         اتــجـرّد الـبـتّـار بــوجـوه الـطـغات

رِسَــم نـحـرك مـجـدك بـدم الـنحر         لــجـل عــز الـديـن والـعـز الـبـشر
والــثـمـر جـانـيـه يـحـسـن الـثـمـر         كـعـبه گبــرك صــار لـلـناس الأبـاة

يـظـل صـوتـك يـهدر ومـا يـستكين         اشـمـا تـمـر اعــوام وتـمر الـسنين
يـمـيد بـعـروش الـبـغات الـزائـفين         يــوج ثــوره بـالـنفوس الـطـاهرات

عـلّـمت يـحـسين كـل هـذا الـوجود         يــرفـض الإذلال ويـكـسـر الـقـيـود
وعـلـمـتنه الـخـلـد يــاسِـر الـخـلود         وعـلـمـتـنـه مــانــهـاب الــعـاديـات

انچان وادي كـربـلـه ســجّـل فـخـر         هــذا مـنّك مـن سگيـته مـن الـنحر
ولــون خــان الـدهـر ويّــاك وغــدر         لاكــن اسـمك يـظل عـنوان الـثبات

انچانــك ظـامـي گضـيـت ويـلـتهب         چبــدك ونـيـران بـاحـشائك تـشـب
انچانـهم حـرموك مـن مـاي العذب         هـذا دمـع الشيعه الك اعذب فرات

لــو صــدگ مـاعـرفتك ذيچ الـزمـر         صـرت صـرخه الـيوم بعقول البشر
حــيّـرت يـحـسـين اربـــاب الـفِـكَر         لـمّـن افـديـت الـعدل بـأطهر ذوات

حـيـن بـالطف دمّـك الـطاهر نـزف         وانـذبـح فــوگ الـثَرَه اطـهر سـلف
ارسمت ملحمة الفده وهيّه الشرف         انـخـطّت بــذيچ الـدمـاء الـزاكـيات

لـــوبچت سـكـانـها الارض وســمـه         عـيـونها مِــنْ الــبچي تـصاب بـعمه
قــط فــلا تـوفي إلـك قـطرة دمـه         وحـتـى لــو ذابــت جـميع الـكائنات

ولــو نـصبنه مـأتمك طـول الـدهور         نـنـحـب ونـلـطم ونْـجَـرْح الـصـدور
شـيطفي جـمر احـزانّه بذيچ النحور         اشـمـا نـدبـنه وشـاطرتنه الـنادبات