عــــدد الأبـيـات
16
عدد المشاهدات
1890
تاريخ الإضافة
11/08/2014
وقـــت الإضــافــة
6:54 صباحاً
لو نخت زينب وحق راعي الچفوف الـشـام مــن دم الــرگاب انـحمّره
الگبــة الـحـرة الـزلم نـفرشها گاع لــو دروب الـتـوصل الـهـا امـدمّره
و الله نـمحي الـشام عن بكرة ابيه لــون زنــد الـغـيره بـيـنه انـشـمره
احنه شلنه الجرح من يوم الطفوف ولـسّه نـحر احـسين يـنزف عالثره
ولـسّه نارالخيم تسري اوي الضلوع و بـالاگلـوب الـثـار نــاره امـوجـره
و والله لــو يـنفجر بـركان الـجروح تـلـتـهم نـــاره الـنـفوس الـفـاجره
جـيـش حــراس الـعقيلة امـحزمين ولـو نـخت زيـنب نـسوّي الـما جره
حـجر مـن حـفروا ضـريحه ما لگوه يــم ضـريح الـحرة نـاصب سـيطره
اتهون يا زينب وحق راعي الچفوف وظـلـي مـرتـاحه الـزلـم مـتـنطره
قـسم بالهادي النبي المد رجله ليچ انگصـها مـن احـزامه خـافن مادره
ويـنهه ارجـال الـلي كـتبت تـرحلين بــعـده لا مــا جـابـته الـهـانچ مــره
الـيوصل الـحدچ نـعده مـن الممات جـاي مـلك الـموت مـنطي التذكره
احـنه بـينه اچفوف ابوفاضل تصول و من يلاوي اچفوف سبع الگنطره؟
خـاف ظـنوا هـم تـرد ذيچ الطفوف و هــم تــرد بــت الـزچيه امـيسره
والله زيـنـب لــون مـسّوچ ابـهوان انـسـويّ الـشـام الـزلـمهم مـقـبره