بسم رب الرضا (ع) قال الامامُ الصادقُ = لو ما وفاتي أخدم إمام المنتظر = طيلة حياتي صاح الموالي = أنطر وصالي حديث الصادق المنقول = صحيح و ثابت الإسناد زعيم الشيعه يتحدث = عن شي يُفرح الاکباد يتحدث عن القائم = و چان ابحالة استعداد يتمنه الفرج عاجل = و يقضي المهدي عالإلحاد گال الامام الفاطمي = واضح کلامي واللهِ لو أدرکتهُ = أخدم إمامي و المهدي غالي = أنطر وصالي طيلة حياتي هدف عنده ابو الکاظم = من هذا الحچي الواضح يريد ايثقف الشيعه = و تهتم لامر ابوصالح لا تنسه امام الغاب = و ابحبله اليکض ناجح نصر الله هوه المهدي = جبراييل إله ايصافح شيخ التشيع ينتظر = ساعة ظهوره للمهدي يخدم يرتجي = و يهنه ابحضوره بلخدمه عالي = انطر وصالي طيلة حياتي يبچي و ينحب الصادق = اليوسف فاطمه الزهره و احس من البقيع اونين = يطلع بعده من گبره آ يا فرگة المهدي = و آ يا غيبة الکبره بين اهله وحيد ايدور = من حضره لعد حضره يتصور الصادق وضع = حامي الشريعه من يوصل احسين الأبي = و راعي الشريعه کيف احتمالي = انطر وصالي طيلة حياتي اتصور حچي المهدي = من طيّ الحديث الفات چن ايگله يا جدي = عشت العمر بالآهات کل آه التهد الحيل = و تچوي اخدودي بالدمعات نايم سيفي بگرابه = و گاعد يحسب الجمعات يا جدي و اليوم الفرج = أحسب ثواني و الساعة البيهه أهد = واگف و اتاني هذا اهوه حالي = انطر وصالي طيلة حياتي يا صادق بني فاطم = ليش اتحبني هذا الحد غيري يا حفيد الچان = يتمنه يخدمه الجد اظن تتصور ادموعي = من دم لو جرن عالخد و تسئل جفني المجروح = ليش اجروحه ما تضمد يا جدي دمعي من دمه = عالغاضريه يا ثار اليضمّد هالجرح = و عمتي سبيه ما من هنا لي = و انطر وصالي طيلة حياتي ابمصاب الصادق اترنّم = ابيات النعي و النوح و اشم ريحة محرم جاي = و مازال الجرح مفتوح مو واحد ولا ألفين = گلبي اهواي بيه اجروح نار ابگلبي للثارات = و ما يهدأ سعير الروح چم ثار اطالبهه العده = و جرحي مايلتام و اعظم عليّ ثار السبي = و الوگفه بالشام دوم اعله بالي انطر وصالي طيلة حياتي خادم الرضا(ع) الاقل و الأدني سيد امير الجبيلي