لِـبْـسَـت الأكـــوان أبْـــراد الـسَـواد         اتواسي آل المصطفى ابفگد الجواد
         

تــاسِـع اركـــان الـعـقيده و الـعـلِم         ابفگده دين المصطفى ايظل منثلِم
سـمِّـته ام الـفضِل بـامْر الـمعتصم         هـالـخبيثه غـيِّـبَت شـمْـس الـرشـاد
         
اشـلون بـاچر تـوگف ابـيوم الحشُر         أبَــد مــو مـقبول مـن عِـدها الـعذُر
فِـجْـعـت الــديـن ابـغـدرها لـلـطُهُر         و اهـيـه تـعلم بـي إبـن خـير الـعباد
         
عــمـره لـثـلاثين بـعـده مــا وصَــل         بـالـغـدر يـــا حـيـف يـلـفيه الأجــل
عُـمـره عُـمْـر الـورِد بـالسم انچتـل         خـلـنعزِّي الـيـوم و انـصـيح ابـحـداد
         
هـالـمسيَّه واجــب انـصـيح و نـنوح         ونـصرخ ابـلوعتنه و الـمدمَع سفوح
واجـــب الـبـغـداد نـتـعـنَّه و نــروح         و بـالـعزاء انـصـيح يــا بـاب الـمُراد
         
جـيـنـه يــا بــاب الـمُـراد و نِـنْـدِبَك         اويـاك إحـنه اشـما يـخالفنه الـفلك
تـــدري بـيـنـه مــن تـوجَّـهنه إلــك         و بـيـنه شـوگ ازيـارتك سـيِّدي زاد
         
يـلِّي إسـمك إسـم هـادينه الرسول         و عـلي جـدَّك و امّك الزهره البتول
امـراد عدنه وندري من عندك ننول         تـشـفع الـنـه بـالـحشُر يـوم الـمَعاد