مــوکل بـاب يـندگ يـسوه دگت الـباب         ولا کلـــمــن تــــزوره ايــحـيـي زواره
بـيـهم بــاب بـيـته ايـسـده لـمن ضـيف         يـتـعـنـه الـعـتـبـته و شــابــح انــظـاره
انــه واحــد چهـبـته و دنگيــت الــراس         و کشَــفـت الـجـروح الـمـا لـهـن چاره
عاين عله اجروحي و شاف کلي اهموم         شـال اجـروح جـسمي و حطهن ابداره
يگضــي الـيوم قـائم بـالصلاء و الـصوم         و يـشيل افـطوره بـيده ايـوزعه الجاره
تـوصـف بـالشجاعه الـما يـفر فـد يـوم         کرار و جـــيـــوش الــغــيــر فـــــراره
لاوي اچفــوف مـرحـب و بــن ود اويـا         و عـلـمهه الـشـجاعه ابـقـوص فـقـاره
صـلب مـثل الـجبل مـن يدخل الميدان         و مـــن يـنـظر يـتـيم اعـيـونه مــدراره
يـسد عـين الشمس لمن يشمر اضراع         و عـــون الکل فـقـير و فــاگد اخـيـاره
يـالـتـطلب الـحـاجه و رايــد الـيگضـيک         ادلـــيک ابـنـجـفنه و صـيـتـه و اخـبـاره
تـعـنه الـحـيدره و لـتگول شـنهي اتـريد         يـعـلـم بـالـيچهـبه و عـــارف اســراره
بــس حـيـدر عـلـي مـن يـعتني خـطار         يــشگ بــاب الگبــر و يــلگي خـطـاره