فـجنه ابـحر دمـنه و عاکسينه الروج         وچم ظـالم سـبحنه ابـحوض تـيزابه
حـشانه امـن الـمذله و لـلمجد ثـوار         خـــل کل الـخـلـيقه اتـصـير سـلابـه
مـنصالح حکومـات الـفسق و الجور         عـدنـه الـعز درس و احـراره طـلابه
والـذبت جـرش وي الـيهود اتـشوف         تــغـذف گوم اهـلـهـا ابــنـار دبــابـه
من تونس الخضرا ارتفع مشعل نور         واجـه الـفرعون مصر واطرق ابوابه
وعـمر مـختار شـعبه المارضخ للعار         لـــف ايــد الـعـقيد و ســرد اکتـابـه
بـالـبحرين شـيعة عـلي الـمنصورين         ومــلک ال الـخـبيثه امکشــر انـيـابه
لا شـيـعه اکتـبو يـحسين بـعد الـيوم         شــوف اشگد حـقد واتـمعن اسـبابه
مــا نـسکت بـعد بـالدم رويـنه الگاع         والگالـــت نــسـوي اصــلاح چذابــه
ابـن صـالح شـرد والـعار يـسحل بيه         شـاف الـموت مـره و فشلت العابه
هـاي الـناس کلـهه اتـاثرت بـحسين         و الــيــنکر احـسـيـن انگوم نـغـتـابه
عـرفـوا کربـله وثـارو عـله الـطغيان         ومــن نـهـج الـحسين الکفـر مـرتابه
لـومه احسين ما ثارت شعوب الگاع         وحکام الـعـرب مــن نـهـضته اتـهابه
هـسه ايـطر صـبح وانرجع النه الداو         وانــخـنگه الـظـلام و نـسـرد اثـيـابه
وعله الصافح امريکه الدورحتماً جاي         وابـوسـط الـقـصر نـنـصب الـصلابه