من تحلفه بالزجيه حاجتك يكضيها=والدليل أنظر يسائل بيدك ايخلّيها الضيج طبعه للبشر سهم ابدليله= تنظره محتار وايدوّر وسيله كلّه أكصد صاحب القبه الجليله= يمه سهله حاجتك مو مستحيله ولون تقسم بالوديعه ودمعتك تجريها حزن ما ينساه أبد خير البريه= كسر ضلع الطاهره أمه الزجيه و زائره لمن يجدّدها الرزيه= ويذكر امصاب الولي و الغاضريه يستمع ونه خفيه ما سمع تاليها من تلملم دنيتك جيش النوايب= لا تظل عالأمل واعيونك تراقب زور أمامك موسى مظهر للعجايب = عنده مفتاح النجاة امن المصايب ابسفرته تلكه التريده وأنشد الحاظيها مائده و رب العله لضيفه جعلها=بيها أصحاب الشدايد تلكه حلها وتحتوي لأهل المرض مرهم عللها=ما ترد خذلانه من حضرة أملها موسى لليوكع فرشها والعلي راعيها للهدى ايظل مركب ويزهي ابشراعه = أسمه لصحاب الذنب باب الشفاعه والفنه عمره لعلي حب و أطاعه= يبقه عالي الشان رغم انف الجماعه من رياضه الباري روضه الشيعته امسويها