قران ايودّع قران= والشاهد سجن الطغيان ويه الهادي صحنه ابآه =موسى الكاظم ودّعناه تهب يا فاجعه هاليوم =بآهات و كدر واهموم أنوار القدس غابت= حجبها الغدر و المحتوم وأشوف المصطفى المختار= حضر والدمع دم مسجوم مثل حنوة أبو الأكبر =حنه ظهره على المسموم من شاف آثار الرجلين= جن سجّاد اتشوف العين صاح ابحسره واويلاه =موسى الكاظم ودّعناه كبل ما يفصّل المقدور= أعلن لأمّتي اوصيتي ابذنّي اتمسّكو بعدي= كتاب الله و أهل بيتي لجن شفت العكس يا ناس= نهج شيطان سنيّتي قراني صبح مهجور= وهدرتو ادموم ذرّيتي و هذا انته سابع مظلوم= ابسم أشقى الأمه مسموم وابسجن أظلم من خلاه =موسى الكاظم ودّعنا مثل ما المجتبى جدك= ابسم أعداه جبده انعاب نفس الجاني يوليدي =بسهامه جبدك انصاب بني العباس و السفيان= ابحقد ضدنه صفوا أحزاب من كسرة ضلع أمك =وطبرة علي داحي الباب ماضيهم واقع مكشوف =ابقتل أهل العصمه معروف والضلع ايوضّح معناه =موسى الكاظم ودّعناه كلت فوك الجسر باجر= يصير اهناك ملكانه لن ننظر نعش محمول= حبل واكيود نيشانه أمام الرافضه اينادون= يشيعه هذا جثمانه رداء الجفن يتفصّل= والسم خاطف الوانه حاله يشبه جدّه احسين= مرمي ابلا غسل و تجفين نعشه لمن شيّعناه= موسى الكاظم ودّعناه أجت وياي للتشيّع= أمك فاطمه الزهره تنحب والضلع محني= تصب دمعة حزن حمره ما يرحم زمنها اليوم= تودّع سابع العتره جابت مسك والكافور= و بديها المضجع اتحفره واتنادي ابصوت الأحزان= كل يوم انودّع خلان وحامي الجار أسمع دعواه= موسى الكاظم ودّعناه بني المختار مفجوعه= وعليك الشيعه مهمومه حيدر وآنه والسبطين= و الزهره المظلومه اجينه الشبلك الليله =ابقهر و اجروح ملجومه وهاي أم الحزن زينب =تواسي ادموع معصومه يا معنى أسرار التأويل= تنعاك أحروف التنزيل وأكوان الباري تنعاه =موسى الكاظم ودّعناه