يـاعـلـي الــفـاگده أم الـبـنـين         رادتــك تـحـضر إبـيوم الـحنين
رادتــك تـحـضر إبـيـوم الـدفن         يـاعـلـي تـنـتظر ظـلّـت تــون
مـاتت إو ما غُمض منها الجفن         تـنـتظر طـلـعة الـساگي تـبين
تـنـتظر غـيـرة الـكـافل تِـحِـل         لـلـمـديـنه يـجـيـهـا إو يِـمْـتِـثِل
بـالـدفن يـحضر إو نـوره يِـهِل         يــبچي عـالطاهره إمّـه إبـأنين
إبچوا عالطاهره إو صبّوا الدمع         بـالـبـقـيع الــوفـيـه تِـنْـسِـمِـع
تنتخي إبفاطمه إو ضيم الضلع         والألـم بـالگلب لـجل الحُسين
والألــم مــا بُــرد يچوي غِــدَه         حـاطـوا إبـفاطمه أهـل الـرِدَه
والگبــر تُـربته تـشكي الـسِدَه         بـالـبقيع إبـحـزن نـادي الأمـين
بـالـبقيع إبـحـزن نــادي الـنبي         يـامُـحـمّـد مِـنَـعـنـا الـنـاصـبي
مـــن زيـــارة گبــر أم الأبــي         والوهابي إنتفض يحچي اللعين
والـوهـابي طـلـع هــذا الـزمن         يـنـصر الـظـالم إو يـعـبد وثـن
لازم الـغـايب إيْـدَفْـعَه الـثـمن         مـن يجي المنتظر ليث العرين
مـن يجي المنتظر نبني القبور         يـنتشر بـالأرض حُب إو سرور
يـنتهي الـظالم الياذي إو يجور         تـرتـفـع رايـــة الـعـز الـمُـبين