وديعه وليک ردّت يا نبي الأمّه = ابمآسيها و نزف ذاک الضلع دمّه هل العبرات وناشدها= و ويّاها انحب يا والدها گبل لا تغمض اعيونک = يطاها و عالأجل تِشرِف گلت عندک وديعه اتظل = بضعتي ومدمعک ينزِف وگلت يا بو الحسن بيدک= أمانه وشخصک اليعرف ملائکة السمه العالي = ابجلال امّ الحسن تحلِف يبن عمّي وطعت أمرک يبو العتره= لچن دهري الولاني ابهظمة الزهره جتّک والنوح امگيدها = و ويّاها انحب يا والدها يبو القاسم إلک سمعاً = صحت وابأمرک آنه افخر و گمت للزهره بعيوني = اباري وخاف تتکدّر واسليها ابسهم فگدک = واحن لو لحظه تتأثّر حسافه البين ما أنصف =هظمها وصرت أنه امحيّر بگيت ابونّتي وغرگانه منّي العين = و نوحي منّ اشوفن دمعة امّ احسين ما بين اچفوفک سنّدها = وويّاها انحب يا والدها اشوفنها کظيمة نوح = واحن لو حنّت اگبالي واذا دمعة حزن صبّت =تشاهد دمعتي اتلالي لمّن غسلتها ابظيم = ابشجي ومنهظم دلّالي و بارح جفن عيني النوم = واتوذّرت آمالي الأمل منّي توذّر والگلب دامي = گضت بسمة حيآتي وزهرة ايّامي باصرها من الظيم اشعدها =و ويّاها انحب يا والدها جفنها الما غمض ليله = ابکثر ما صب دمع ذبّل وحزينه وگابعه ابذلها = و غصص وهموم تتحمّل ومن عگبک يبو القاسم =گلبها من المصايب ملّ وحيلک يالولي ينهد =لونّک عالضلع تسئل يبن عمي الضلع مهشوم يالهادي= غده وباصر ملائکة السمه اتنادي نامت ذيچ السطره ابخدها = و ويّاها انحب يا والدها إجتّک يا نبي الرحمه = ابونين العجّب الخنسه وگلبها وي الحزن يصبح= مثل ما بالحزن مسّه وعمرها انذبحت ايّامه = ابهجوم الگوم والرفسه واوگعت بالباب وانهاري = دلهم من فگد شمسه نهاري اظلم عليّه وظهرت انجومه= واحن عالماتت ابعبرتها مهظومه و ويّاها انحب يا والدها =و ويّاها انحب يا والدها ويبن عمّ الوديعه اليوم = ردّت والضلع مجمور وابّين الباب والحايط = عصروها وصبح مکسور ومنها العين يالهادي =حمره وبالدموع اتفور عليها أُمّتک جارت = و خلها اتخبّرک بالجور دناشدها وتخبرک بالجره اعليها = واکشف عن ضلعها وحن يواليها وابکترک جيت اموسّدها = و ويّاها انحب ياوالدها