انه الضاعت سنيني بسجنك المظلم = انه الذابت جروحي بجرحك المؤلم من يوم الفتحت اعلى الحياة العين = شفتك نزف ممتد من وريد حسين وشفتك درع يتحامه ابحماك الدين = انه ولو ما وجودك ما صرت مسلم صحه ابحبك كياني وعاشت سنيني = اوحروف اسمك سرت بالدم تغذيني وقلم شعري ابودادك والف يميني = وصرت انت لشعوري وفكرتي الملهم وصرت احزنن لحزنك وافرح لفرحك =وليل همومي ينذل بامل صبحك اطالع سيرتك واتجرح بجرحك = واشوفك ثغر بالالام متبسم اوتلاشت روحي بيك وذابت بحزنك = وخطفتهه السنين وظهرت بسجنك لن شافت قيودك واسْمَعَت ونك = جريح بصبرك اعلى الضيم متبلسم وعشت وياك سجنك بالحزن والهم = ودمعي اعليك ينزف مو مدامع دم وشفت يوم التلظت جبدتك بالسم = وشفت اشجنه اعليك الطاغية المجرم اطلعت يابو الرضا من سجنك اللحدك =عكب ما وذروا بالسم هرش جبدك اوبكيت انه اويه ظلمات السجن بعدك =على الجدران انحت واكتب وارسم انحت صورتك وانحب على غيابك = واكتبلك قصيده بدمعة مصابك سجنك صار مأوى كلوب احبابك = ومن صبرك معاني الصبر تستلهم