شعراء أهل البيت عليهم السلام - آنه آنه زينب وشفت الذي صار

عــــدد الأبـيـات
43
عدد المشاهدات
2087
نــوع القصيدة
فصحى
مــشــــاركـــة مـــن
تاريخ الإضافة
24/03/2013
وقـــت الإضــافــة
8:48 مساءً

آنه آنه زينب وشفْت الذي صار=أمِّي أمِّي انعصرَت وصاحَت يكرّار
* * *
ما نسيت اشصار =ابأمِّي الزهره=و اشيِنسِّيني
عمري خمْس اسنين =عايشِت ذكره =انطبعت ابعيني
صوَر يمّ الباب =اتهيِّج الحسره = ﻵخر اسنيني
عيني عيني شاهدَت بضعة المختار =أمِّي أمِّي انعصرَت وصاحَت يكرّار
* * *
تلتهب ناري=و الدّمِع سچاب=و گلبي جمرة هم
روحي مكسوره=من أشد اصواب=منّه أتألَّم
امن اسمعِت أمِّي=اتنادي خلف الباب=ضلعي اتهشّم
شفته شفته الباب بيه غارز البسمار =أمِّي أمِّي انعصرَت وصاحَت يكرّار
* * *
الليل بعْد امِّي=ساعه ما نمته=يگضي بوْنيني
من ونين امِّي = ابإذني اسمعته = سگطَوا اجنيني
اتنادي يا فضّه = المحسن اطرحْته = گومي لحگيني
هذه هذه امن الحصل يم عتبة الدار =أمِّي أمِّي انعصرَت وصاحَت يكرّار
* * *
طاحت و صاحت=يا جنين الموت = سگط بالعتبه
من گبل مهده = انحمل بالتابوت = و دمّه ايخضْبَه
يا إلٰٓهي اتصيح=و الگلب مفتوت = المحسن اشذنبه
تشكي تشكي الحاله للخالق الجبّار =أمِّي أمِّي انعصرَت وصاحَت يكرّار
* * *
ابهالمصيبه هاي=ابتدَت أحزاني =و خلّفَت حسره
ابلا رحَم دهري= ابزغري راواني = امصيبة الزهره
و مثل صدْر امِّي = احسين شاهدْته = هشِّمَوا صدره
صدره صدره امن انسحگ ردّتلي اﻻفكار =أمِّي أمِّي انعصرَت وصاحَت يكرّار
* * *
مثلما بالسوط= انضرب متن امِّي =اسوَدَّن امتوني
و مثل بالمسجِد = باليسر سهمي = اشكثر وگفوني
الكوفه تالي الشام=شحچي من همِّي = السبب شتموني
أذكر اذكر أمِّي و انخه ابحامي الجار =أمِّي أمِّي انعصرَت وصاحَت يكرّار
* * *




Testing