ياكمر هاشم وين = رايح يماي العين المن تعوف حسين = يا كمر هاشم شفتك فوك مهر الموت = وشايل يا كمر وياك سيفك والعلم والجود = ومتوجه لحرب اعداك كاصد للشريعه تريد = تلبي صرخة ايتاماك لو حان الوعد للموت = اوذكرت الوالد شوصاك للمشرعه امن تروح = تاخذ اوياك الروح بدربك اشوف البين = يا كمر هاشم ادري بك يخويه تريد = بجودك تروي كل عطشان وتدري اعداك تنتظرك = يخويه بساحة الميدان تريد توفي بعهودك = لعودك يا كمر عدنان بسيفك تحرس خيامي = وتروي بجودك الرضعان بسيف الوفه وبالجود = رايد توفي عهود وبذمتك عهدين = يا كمر هاشم سمعت اطفال تتصارخ = عطشانه وتريد الماي وانه اختك زينب وانخاك = يا خويه ويسور احماي رضيع حسين تتلاهب = مهجته ابمثل نار اضماي ذبّلنه العطش والحر = وانت الحامي والرواي يا من سمعت الصوت = ترضه بعطشنه نموت والصبر عالتمكين = يا كمر هاشم أتلضّه ابضمه الاطفال = وانخاك واكلك روح وارد واتصورك عالماي = جسد يا بالفضل مطروح اوسهم جودك وجفينك = كطيعه ودمك المسفوح اويروح الماي والحماي = اوتزيداعلى الجروح جروح وبروحي جم اصواب = وجروحي ملهه حساب لا جرح لا جرحين = يا كمر هاشم طلبت الماي من عندك = وادري ابنخوتي تاذيك وشفتك عالمهر خيال = اوفرح كلبي اوتنومس بيك لاجن تدري يا عباس = اخاف امن الزمان اعليك خوفي تروح ما ترجع = خوفي امن العده توليك لو طحت بالميدان = من يحرس الصيوان ومثلك اجيب امنين = يا كمر هاشم هاي خيامك خلافك = تصبح موحشه وظلمه ولا حامي يضل الهه = ولا ناصر لبو اليمه فكدك يطوي ظهر حسين = و يشمت بيه كلب خصمه من بعدك يضل وحده = و بالطف ينسفك دمه عكبك يظل محتار = بين العده الاشرار لا ناصر ولا معين = يا كمر هاشم سمع عباس صوت اخته = وجاوب لاجن بنظره ومعناها اجيب الماي = لو اتوذر ابكتره ذبح جيش العده بسيفه = وفتك بيه وكطع نحره لجن صابه العمود وطاح = ابو فاضل على الغبره ضحه الكمر بدماه = وبيمنته اويسراه ومن وكع صاح الدين = يا كمر هاشم