وديعه يا علي يمك وديعه= أجتني و الدمع يروي الفجيعه ضلع مكسور... جفن مسطور ... دمع أحمر رسول الله و جرح بالزهره ياذيني= أجت يا حيدر ابحسره تبجيني على كبري انحنت والجمره تجويني= خبر عن كل مصايبها توافيني تنادي بويه ظلموني تنادي= صحابك من عكب عينك أعادي ظهر من غاب ... شبح واذياب ... وعدو أخطر يبويه أمتك عكبك ينكروني= وعليك امن البجي والنوح حرموني ابحقدهم هجموا اعله الدار يولوني= وبين الباب والحايط يعصروني جنينك من سكط شفته جنينك= وأشوفك ناحل و تجذب ونينك و بين اعيون ... حقد مدفون ... على الكوثر هضم زينب يظل أصعب يوالدها= تكابر والمدامع تحفر ابخدها منو يمه الكسر ضلعج تناشدها= وتشيل الطفل من يمها و تساعدها عجيبه يا علي زينب عجيبه= نواظرها تشاهد جم مصيبه جرح جرحين... يراوي البين ... الك حيدر أحس كلما أصد ليها يبو اليمه= تكلّي يا وصيه اتنفّذ الأمه ابضلاله وحقد بعدك أمرك اتختمه= ويجرون الوصي وكل غضبه ايكتمه سقيفه كل ظلم تحوي السقيفه= ويصير اعته العدى ابدالك خليفه يبو الأحزان... مكر عدوان ... وفعل منكر علي حزنك يظل عالطاهره سرمد= وحدر صدرك جمر همك فلا يبرد وأنه وياك أجري الدمع فوك الخد= فكد فاطم صبح بحشانه ألم يضهد وصيتي سنّه من الله وصيتي= تصون السنن لو حانت منيتي وإذا أخطار... تهب عالدار... تظل تصبر