طـفح طـوفان مركب نوح         يـبحر ابـشط دمـع واجروح
وسـفن حزني رست اليوم         بـشاطي العلكمي المذبوح

جـرت عـيني دمعتي ارماح         جـــداول تـحـفـر الـخـدين
حــوافـر خــيـل حـسـراتي         تـسحك بـالصدر كـل حـين
مــــا مــيّـز نــهـار ابـلـيـل         ســـارح بـالـقـهر والـبـيـن
ونــيــن الــفـاجـده ونـــي         أون واذكــر عـزيـز الـروح

عـله افـراكه الصبر مهدوم         واصــبـي الـنـظـر مـفـكود
أنــشـد والـنـشـد مــريـود         هــم يـرجـع حـبـيبي اردود
لـــن حــزنـي يـصـارحـني         اشـلـون ايـرد بـعد وايـعود
هـيـهـات الـكـلـب هـيـهات         أذا حــدر الـتـرب مـطروح

مـوعـود آنــه مــن زغـري         بـالـهم والـحـزن مـقـسوم
مــن الـمهد شـاب الـراس         يــا طـفل و لـذاته اهـموم
لــيـال الـسـهـر تـعـرفـني         حــاربـت الــرغـد والـنـوم
نـجـوم الـلـيل تـشـهد لـي         أكـضـي الـليل دمـع ونـوح

عـالـعـباس هــمـي أيـفـور         بجرف النهر جسمه انصاب
أخــذ سـهـم الــردى عـينه         و بـالـعامود راســه انـعاب
وكــــع وابـجـنـبـه جـفـيـنه         و خـلّه كـل جـفن سـجاب
جـفـيـل الـظـعن لـمـصابه         الـف جـرح الـكلب مجروح

طــبـع الـغـدر مــن يـغـدر         خـنـجر بـالـظهر مـطـعون
خــسـف كــمـرة لـيـالـينه         و فـتـح نـاعـور دم مـهتون
قــســم عــالـم مـآسـيـنه         بـين الـمهموم و الـمحزون
ابـكـل روح انــزرع فـكـده         و تظل سرمد حزينه الروح

خـتـم كـلـبي فــرض غـمّه         صــلاة الـنوح و الـحسرات
و أحـــس نـبـلات صـابـني         ابـكـل رمـيـه دلـيلي مـات
لأن فــاكـد كــمـر دنــيـاي         بـعد بـالظلمه روحي اتبات
طـفح مـوج الـدمع بـالعين         مـثـل طـوفان نـوح ايـفوح