على اعتابي الحزن يسجد= لون أذكر حبيبي احسين طبع بالدنيه ما ترحم= تفرّق بالشمل نصين دموعي اتسيل .. ابصلاة الليل = لون أذكر حبيبي احسين فريضه عندي وانويها= صلاة الليل أصلّيها يتسبيحة غرام وشوك= يمّك تلتقي الأرواح أنه أم الأربعه أسمي= لجن حبّك سره ابدمي ألك يا زينة العبّاد= رمش عيني يصير اوشاح ملاك ابعالم احلامي =سحر وايغازل اوهامي ملاذي ابساعة الشدات= بسمك كل عسر ينزاح تظل سلطان= على الوجدان كواكب تحسدك وأفلاك= يمصباح الهدى و الدين قران العشك صنته =أذا أشتاك رتّلته كل آيه غدت ألهام =واحروفك يذكّرني صلاتي اشلون أنساها= و انته الغالي معناها كل ليله وأذا أغفه= عليك احساسي يندهني يا ريحانة الهادي =فدوه اتروح أولادي نذر لتراب رجلينك =بس سالم ترد يبني ألك مذخور= شمس وابدور مهابه و مرجله وأصرار =فداك اشبول ابو الحسنين شعوري اتملّك ابحبك= وبعيوني انرسم دربك مشيت ومن حده الجمّال =ابكل خطوه انسله عمري يشاغل بالي واظنوني =عسه صاب العمه اعيوني ولا أنظر يبو السجاد= على درب الخطر تسري درب موت وهلاك اسره= وأنه ابكلبي تشب جمره يهلال ابرحيلك صار =نبع عيني دمه يجري ابرحيل احسين= توج نارين نار ابغيبة المظلوم= ونار اعله وفه الطيبين صبرت و طالت المده= وحبيبي ما رجع بعده ولا منه إجت أخبار= تطفّي جمرتي التلهب كل ليله التمر صعبه= اشحال العايش ابغربه أصد يا يوم ليه اتعود= أحسب والعمر يحسب سمعت الناعي من ينعه =و اليسمع يهل دمعه بعد ما ظل مقام الكم= ابمدينتكم يهل يثرب يون واينوح= دمعته اجروح وتعنّيته أنه ابلا روح= و حيلي امن القهر نصين تناشد مهجتي و روحي= وجواب ابدمعتك توحي يبن حذلم خبر عندك =عن احسين ابو الاكبر على أولادي خبر يروي= هووا جنهم شهب تهوي عبدالله و جعفر و عون =وحامي الرايه و الخدّر أنه ما أسألك عنهم =بنيني و رايده منهم حك ارباهم ايوفّون =يحامونه شبل حيدر أسألك وين =حبيبي احسين عليه طوّل المشوار =واخباره احنه منتظرين احسين انذبح مظلوم =من شرب العذب محروم وراسه اعله الرمح ينشال= بالبلدان إذا يندار وخيل ابلا رحم غارت= على صدر الولي داست انسلب و خنصره مبتور =اتغيّب بدره بالأشفار واخته انسبت من عكبه= يسيره اتروح للغربه من بعد الدلال الجان= تصير ابولية الأشرار رجع هاليوم= الظعن مالوم أرامل نسوه والأطفال =يتامه ابلا حمه وامعين عمرها بس حزن عاشت =مثل عود الشمع ذابت والها من لفه المحتوم= تريد احسين ابو اليمه تمنّت يمها ابو الأكبر =و بجفوفه الكبر يحفر وعليها يجذب الحسرات= واخوته اوياه ملتمه ينصب مآتم اعليها =يون واضلوعه يحنيها آخر نفس من عدها =اتصيح و تلهج ابأسمه الأجل من صار= ابو الأحرار عند الموت حاضرها =و بيده ايغمّض الها العين