شـمـل الـراح أظـن هـيهات بـعد يـلتم         وأشوف أردود حبيبي أيعود أظن أحلم

تـصـب عـيـن الـحزن بـالخد مـدامعنه         عـلـه افـراش الـقهر فـكده يـصارعنه
مــلامــح طــيـفـه بـعـيـوني تـودعـنـه         مـشـه و نــار الـبـعد بـالـروح تـلـفعنه
عـجيبه اشـلون يـروح الـروح تهاجرني         وانـه ابـيا حـال نـويت الـيوم تـفاركني

يـكـولـون ابـصـبـر يـعـقوب سـلـواني         وسـاعـات الـهـضم مـكضيه واحـزاني
مــثـل يــوسـف تـــرد اردود ولـيـانـي         صـبـرته والـهـجرني لـيـش مــا جـاني
صـبر يعقوب جزع معذور ونفد صبري         ذكـرت احـباب علي غياب بدمع يجري

أحـــس داري رعــيـه ابــلايـه راعـيـها         غـريـبه والـصـدى اصـدح ويـن اهـاليها
خــفـيـه انــوارهـا الـجـانـت تـضـويـها         شــمـس وانـجـوم مـاظـلت تـمـسيها
اهـلنه انـجوم عـطف واحساس لياليها         شـمسنه احسين حنان و نور تشع بيها

شـمـلنه صــار يـابـويه مـثـل جـسمك         يـراويـني الـدهـر بـالطف نـزف دمـك
و اعـيـش الـحاله جـني حـاضره يـمك         و اصـد خـيل المنايه ابصدرك اتهشمك
يمر بالعين حلم كابوس و شفت لمحه         نـحر مـذبوح ويـسيل ادموم نبع جرحه

أشـاهـدهـا خـيـمـكم بـالـلـظه تـسـعر         ويتامه امن الوجل تركض وسط هالبر
وزيـنـب جــن شـفـتها حـايـره ابـخـدر         تــعـاتـب والــكـمـر عـالـنـهـر يـتـعـذر
تـلوب اطـفال تـريد الـماي أشـاهدهم         عـتـب مـجروح يـهل يـكرام يـحشمهم

جـنـت عـنكم خـبر يـهلي أريـد اعـرف         و مـن عـيني الخبر مثل الحلم يخطف
حـبيبي احـسين يـذبح منحره المرهف         وشـملنه ابـبيرك الهم و المصايب رف
صـحت هـيهات لـون ركـبان بعد تلفي         لصبر ميفيد وشفت بالطيف ذبح ولفي