شمل الراح أظن هيهات بعد يلتم=وأشوف أردود حبيبي أيعود أظن أحلم تشوف العين ابويه احسين أظن أحلم تصب عين الحزن بالخد مدامعنه= عله افراش القهر فكده يصارعنه ملامح طيفه بعيوني تودعنه= مشه و نار البعد بالروح تلفعنه عجيبه اشلون يروح الروح تهاجرني=وانه ابيا حال نويت اليوم تفاركني وداعه البين ابويه احسين يكولون ابصبر يعقوب سلواني= وساعات الهضم مكضيه واحزاني مثل يوسف ترد اردود ولياني= صبرته والهجرني ليش ما جاني صبر يعقوب جزع معذور ونفد صبري=ذكرت احباب علي غياب بدمع يجري بعد لاوين ابويه احسين أحس داري رعيه ابلايه راعيها= غريبه والصدى اصدح وين اهاليها خفيه انوارها الجانت تضويها= شمس وانجوم ماظلت تمسيها اهلنه انجوم عطف واحساس لياليها=شمسنه احسين حنان و نور تشع بيها اجيبه امنين ابويه احسين شملنه صار يابويه مثل جسمك= يراويني الدهر بالطف نزف دمك و اعيش الحاله جني حاضره يمك= و اصد خيل المنايه ابصدرك اتهشمك يمر بالعين حلم كابوس و شفت لمحه=نحر مذبوح ويسيل ادموم نبع جرحه جسم نصين ابويه احسين أشاهدها خيمكم باللظه تسعر=ويتامه امن الوجل تركض وسط هالبر وزينب جن شفتها حايره ابخدر= تعاتب والكمر عالنهر يتعذر تلوب اطفال تريد الماي أشاهدهم=عتب مجروح يهل يكرام يحشمهم ندب كل حين ابويه احسين جنت عنكم خبر يهلي أريد اعرف= و من عيني الخبر مثل الحلم يخطف حبيبي احسين يذبح منحره المرهف= وشملنه اببيرك الهم و المصايب رف صحت هيهات لون ركبان بعد تلفي=لصبر ميفيد وشفت بالطيف ذبح ولفي حزن حزنين ابويه احسين