خيرتني ابحياتي وابقراري = وبيد وجداني سلّمت اختياري بالشدايد كلمن ايحاسب ضميره = لو هوى كلب اليحب يرضه ابمصيره = ملك وآنه عبدك و بيدك حياتي= صارت اوياك ابرخه وشده امنياتي اتعلّمت منك وفه واخلاص ذاتي= وهاي فرصة عمري بيها أظهر ثباتي ابساعة الصفر أبين عن صمودي= ابهمتي انصر أمامي وسر وجودي كلبي ما يحمل نظر عينك تديره= لو هوى كلب اليحب يرضه ابمصيره جون انه خادمكم ابروحي و دمايه= مثل قنبر أعشق انفاس المنايه عن بنات الهادي أرد غدر السرايه= ومن دمه العدوان اخلّي اليوم آيه سيدي اوياك متحدّد مصيري= اشلون أعوفك منو باجر مجيري الله بيدك سلّم الجنه و سعيره= لو هوى كلب اليحب يرضه ابمصيره تحت راية ظفر عنواني تجسّد= ومن تشاهد جسمي عالغبره ايتوسّد من صفائك يمتزج هالجسم لأسود= ومن رياح المصطفه الهادي محمد حته أنال الشهاده بأعلى رتبه= وافتخر ربي يمك جعل قربه وآنه روحي اتملّكت صارت أسيره= لو هوى كلب اليحب يرضه ابمصيره ابساحة الطف ارتجز شاهر حسامي= ضد عساكر آل أميه ابدي انتقامي وأروي من ضرب العدى جبدك الضامي= اليوم ضد بيض الهنادي اعلن غرامي مثل عابس لبست الكلب درعي= احسين جنّني يا عذال أسمعي وين ألكه بالخلك واحد نظيره= لو هوى كلب اليحب يرضه ابمصيره دخل سوح الحرب للمولى يناصر= والولي روحه جنح فوكه تناظر ساعه لن بالحسره ابو اليمه يكابر= يستمع صرخاته من ثغر البواتر يا حبيبي ألك أرسل سلامي= وفرحتي لجلك أستشهد أمامي يا عبد مثلي فده بالروح أميره= لو هوى كلب اليحب يرضه ابمصيره يا ضمير الحر صفه ابهاي المواقف= وكف وكفة جبل متهمه العواصف ما يبالي اجيوش و ارماح و مراهف= عشك وابهذا العشك ملتزم عاكف يبني وجدانه آلاف المدارس = جامعة جون و الأستاذ عابس مثله واجب ننظر ابعين البصيره= لو هوى كلب اليحب يرضه ابمصيره